28 de genièr de 2000

Aquel d'aquí se fasiá apelar Zorro ; çaquelà èra pas un rainard nimai un guèine, encara mens una mandra. Per ba dire tot, èra un gus puslèu simpatic, grand, blond, dels uèlhs blaus que s'acordavan fòrt plan amb son automobila blau escur. Disi un gus mas el disiá un "gars" (un "ga") : èra pas afet d'aicí e l'òm i podiá passar aquela fantasiá (serà lèu garit amb lo metòd "A Mimil "). Sa femna, una pichona "a" (Amelia, Anastasia, Anita, Afirolada, Anorexia ?), aviá per tissa de dire plan sovent, al moment qu'òm l'esperava lo mens, "wo-wo-wo" (èra benlèu una chòta reincarnada). Lo Zorro en question aviá un Belvéser (polit agach) e demorava lo mai sovent sus la planeta Mars (o dins las environas). Quand davalava sus tèrra, arrestava pas de traucar de tinas o de pintrar de croses occitanas a la crosada dels camins. Qué volètz, cadun sa tissa !

Aquò vos fa tifa-tafa de saber son nom vertadièr ? E ben, paure mond, vos ba dirai pas. Sus son "password" èra marcat "X"...

Glossari en clicant suls mots joslinhats
(Glossaire pour les mots soulignés)
Tornar al somari general ?