16 de genièr de 2000

Uèi, solelh de pertot per secar la pluèja. Ciutat s'estira jol lum que nos es tornat coma una gròssa sèrp. Ièr de vèspre, l'Eric Fraj nos faguèt ausir sa votz prigonda, votz d'un país que vòl viure.
La
cambra roja de Matisse te fa somiar d'estiu sus la paret del burèu.
De matin, un
rigal, del papach roge, venguèt s'abeurar dins l'aiga del nauquet que recampa la pluèja, dins lo jardin. Tot fremissent, inquiet de tot, bola de plumas confladas, sus l'envòl a cada bruch estranh, pichona causa viventa entremièg las èrbas secas e los rosièrs pelats, espèr de vida e de prima en camin.
Mas febrièr a pas encara cantat !

Glossari en clicant suls mots joslinhats
(Glossaire pour les mots soulignés)
Tornar al somari general ?