5 de febrièr 2000

La filha èra polida, magra, vestida d'un tricòt plan larg, d'unas bragas blancas e de solièrs de la sòla espessa coma las coturnas d'un còp èra. Son nas e sas aurelhas portavan boclas (d'aqueles "percings" coma se ditz ara en francés !). Sul trepador d'en fàcia, dos joves passèron que la gaitèron e la fiulèron. Faguèt lo pòt, enaussèt las espatlas e traversèt. Los joves èran partits sens s'avisar de res o en cèrca d'una autra mens reguèrga.

A costat de la filha magra, un colomb de vila, gris e polluit pel escapaments de las autòs, ensajava de picorejar micas de pan. Era gras coma un monge ! Pas anorexic, lo tipe !

Glossari en clicant suls mots joslinhats
(Glossaire pour les mots soulignés)
Tornar al somari general ?