12 de febrièr 2000

Per carrièras, se veson causas curiosas : te fas rebufar pel cocha-vestit que te trapa tròp rachassa ; la mameta que la daissas passar te gaita d'un aire de dire : " Aquela, me prendriá per una vièlha que m'estonariá pas ! " ; lo vesin fa cagar son gos davant ta pòrta e te gèta un uèlh susprés se li parlas del "gava" (pas d'Ador, plan segur !) ; la pichona que la complimentas sus sa polida pepeta te pren per un ase que te siás pas avisada qu'èra sa filha ; lo cafetièr reguèrgue (si, si, aquò existís...) te fa comprene qu'es ora d'anar al lèit. E ne passi.

- Ont as vist tot aquò ? Dins lo Nòrd prigond, sens cap de dobte, diràn los occitanistas ferotges.
- Non, non, aicí, dins las carrièras de ma vila endormida, en Occitania, país de paratge, d'accent e d'aiòli...

Lo mond es marrit, non ?
París es en vacanças, França es en vacanças. Los primièrs toristas en camin cap a la nèu començan de
puntejar. La vida, qué !

Glossari en clicant suls mots joslinhats
(Glossaire pour les mots soulignés)
Tornar al somari general ?