17 de genièr de 2000

Bruch d'aiga e d'engranièra sul pavat dins la carrièra. La vesina lava lo davant de pòrta, coma cada jorn. Sabi pas res de sa vida, res qu'aquò : lava cada jorn son davant de pòrta, a la meteissa ora, 7 oras e mièja, que faga caud, que faga freg, solelh o pluèja. Quand nevèt, l'autra annada, semblava malurosa. Engranèt, levèt la nèu amb la pala, puèi lo camion passèt que tornèt botar la nèu sul trepador que la flamba dels Jòcs olimpics deviá passar dins la carrièra. E tornarmai tot èra lord e la paura femna gaitava son pavat, l'aire socitós.
Uèi, serà tranquilla : nevarà pas. Encara que ! Lo Laurenç Fabius ven a Badens !

Glossari en clicant suls mots joslinhats
(Glossaire pour les mots soulignés)
Tornar al somari general ?