13 de febrièr 2000

Las enluminuras dels manescrits s'expausan sus las parets de l'Ostal de las Memòrias. Memòria d'un temps ont l'òme preniá son temps. Pintura e escrit fan òbra comuna. Peisses que dansan en redond, aucèls que nadan : tot un univèrs fantasmagoric costeja los personatges serioses, preires, avèsques, monges. Es un tresaur amagat dins los Arquius, las catedralas. Aquelas enluminuras venon de totes los cantons del departament, cartularis, missèls, libres d'oras, per la màger part d'inspiracion religiosa. Los subjèctes m'interessan pas, mas las colors, la vivacitat d'aquelas colors de bèl temps a ! Aquò's lo vertadièr miracle.
Plan de mond davant lo "
manja-dreit", emai l'avèsque e lo conselhièr. Se parlava pas mai d'elevacion de l'esperit : las noiriduras terrèstras valián lo còp.
En sortent de la mòstra, un auratge montava al-dessús de
Puèg-marin e lo cèl fasiá coma un veirial.

Glossari en clicant suls mots joslinhats
(Glossaire pour les mots soulignés)
Tornar al somari general ?