17 de genièr de 2000

E qun vent, paure mond ! Lo Laurenç Fabius n'èra tot escatufat !
Grand moment d'emocion a Badens aqueste vèspre. Totes los grands noms del socialisme occitan i son passats : Georges Guille, Leon Blum que foguèt deputat de Narbona, Joan Jaurés. Que totes se devián virar dins sa tomba...
Pasmens, los pichons cantèron " Lo Temps de las cerièras " gelats pel
cerç que bufava a desrabar totas las bandièras tricolòras e L'UNICA bandièra occitana que se demandava çò que fasiá aquí..
E d'aquel temps dos
gats, lo Roquí e l'Adèla, s'entremesclavan sul canapé ; dos autres, lo Rapeton e la Potona, fasián a qual auriá la plaça davant lo radiator. Las vinhas se torcissián e començavan d'amassar lo vin de la vendémia a venir, del temps que qualques viticultors cresián a las promessas e a las bonas paraulas d'encoratjament que l'òme de París èra vengut li portar.
Al Chili, un òme d'esquèrra es arribat al poder. " Allende, presente ! "

Glossari en clicant suls mots joslinhats
(Glossaire pour les mots soulignés)
Tornar al somari general ?