21 de genièr de 2000
S'èri...

S'èri un arbre, seriái un oliu perque viu fòrça vièlh, que vegèt o veirà passar de milierats d'òmes e d'epòcas, perque es d'argent e de fòrça, que viu al solelh, que balha l'òli d'òr del perfum tan rar…

S'èri una flor, seriái la jaunèla perque es de totas las colors, que s'arrapa a las parets e qu'es portada pel vent…

S'èri un instrument de musica, seriái una batariá perque me fa dançar e restontís al fons del ventre...

S'èri un animal, sens cap de dobte seriái un gat perque viu siá liure, siá estirat sul canapé, es careçat e noirit sens esfòrç, passa son temps a se lupar, a somiar, a se caufar al solelh o al canton del radiator ; benlèu sómia mai de libertat que n'es liure, mas fin finala es talament mai agradiu de somiar...

S'èri una persona celebre, seriái Voltaire per son amor de l'egalitat e de la justícia, o Picasso, per son revolum dins la pintura, perque cercava pas, trapava o Matisse per viure a l'Ermitatge dins lo bocal dels Peisses roges...

S'èri una color, seriái lo roge per totes los simbòls que pòrta en el de desirs de libertat, de lutas e tanben lo negre per las meteissas rasons...

S'èri una cançon, seriái lo Temps de las Cerièras, per rampelar la Comuna e aquelas gotas de sang tombadas dels còsses d'aqueles que se batèron per la libertat e tanben l'Eternitat de Maria Roanet que ditz tot...

Glossari en clicant suls mots joslinhats
(Glossaire pour les mots soulignés)
Tornar al somari general ?