23 de genièr de 2000

Brrr ! Fa un freg que pèla ! Los aucèls s'arrucan e lo papach-ros que vegèri l'autre jorn dins lo jardin cèrca lo mendre rai de solelh. Lo paure deu copar la glaça per poder beure. M'i caldrà balhar un pauc de grais per que passe melhor l'ivèrn.
La familha de mèrles que viu dins son nis al mièg de l'irangièr del Mexic fa un rambalh pas possible. Quina banda de bavards. Son coma ieu : aiman benlèu mai l'ivèrn que non pas l'estiu.
Legiguèri sul jornal qu'un cocha-vestit dormissiá dins un bordilhièr per dire de passar pas tant freg. Lo matin, los òmes de las bordilhas arribèron per voidar la pobèla. L'escranquèron a son gròs camion e, automaticament, se voidèt ; las gròssas lamas an completament escrachat lo còs del paure òme. Bordilha de la vida ? Bordèl de vida !

Glossari en clicant suls mots joslinhats
(Glossaire pour les mots soulignés)
Tornar al somari general ?