27 de febrièr de l'an 2000

Los ametlièrs ròses e blancs que cobrissián la longa plana d'Aude d'una nèu fragila e luminosa jos las nivols grisas que nos acompanhavan. Tornàvem de las Valadas occitanas de delà los Alps e fasián coma un resson als cants e a las danças que los joves occitans arrestavan pas d'encadenar amb los ritmes endiablats d'una orquèstra ont vièlhs e joves se barrejavan sens problèma. Seriá acabat lo temps de la vergonha ? Vergonha de se dire occitan ? Vergonha de costejar los vièlhs ? Vergonha de parlar sa lenga ? Acabat. Almens dins l'Estat vesin del nòstre. En Italia, las lengas ditas minoritàrias son en passa de se normalizar.

Glossari en clicant suls mots joslinhats
(Glossaire pour les mots soulignés)
Tornar al somari ?