10 de març de l'an 2000

Demorar sens lenga davant la maquina muda. Ruda espròva per una lenguda. D'aquel temps, per astre, la vida contunha defòra e los mèrles tornan bastir son nis dins l'òrt. Aqueste an, an causit l'irangièr del Mexic. Los gats, la blanca e lo ros, los costejan sens dire res. Bon ambient. Pel crivèl dels ridèus, passa un rai de lutz que fa brilhar l'ecran de l'ordenador. I a un pauc de posca. Caldrà netejar lèu.

Deman maridarem Dama Carcàs amb lo Loís Bastide (qu'èra pas un sant, emai se nos ba vòlon far creire), puèi lo fuòc "purificator" los farà partir en fum e "Adiu paure Carnaval" nos farà dansr a l'entorn del lenhièr.

Dins qualques jorns, lo 16, serà un còp de mai l'anniversari del lenhièr de Montsegur.

Glossari en clicant suls mots joslinhats
(Glossaire pour les mots soulignés)
Tornar al somari ?