17 de febrièr de l'an 2000

Te tombèt un lavaci a tot pèrdre. Las aigas rajavan de pertot, coma un riu salvatge que res podiá pas arrestar. Aqueste còp, èra pas per galejar. Tombava coma en catòrze. Nimai èra pas lo moment de far de musica (trobadorenca o pas) per dire de doblidar l'auratge. Sol te demorava un paquet de crostilhetas, un pauc passadas, de segur, mas quand l'estomac es apasimat, la páur passa melhor. Rosega que rosegaràs.

D'aquel temps, l'aiga contunhava son camin e son òbra de mòrt. Te caldrà partir d'a pè per anar a la gara esperar un trin que passarà pas. Dins l'irís de ton uèlh banhat de pluèja e de lagremas, i a coma una agla presonièra que desfisa los elements. Mas servís pas a res.

Glossari en clicant suls mots joslinhats
(Glossaire pour les mots soulignés)
Tornar al somari ?