11 de març de l'an 2000

De vent ne fasiá pas ; un cèl blau, immens. La Corbièra seca e dura, rocasses esparpalhats, vinhas magras, arrapadas a una tèrra roja. E lo ciprés quilhat, sentinèla d'eternitat. Un rèc a sec, qualques sauzes en rengueta per far creire que i pòt aver d'aiga. Las èrbas grisas de garriga, farigola, romanin e cistes ròses, la sola color. La calor fasiá montar las flairas d'esséncias fòrtas. D'aver legit "Noces" de Camus, te tira tota enveja de racontar çò que sentisses. El o a tot dit. Parla d'Argeria, de Tipasa, mas lo nòstre pichon canton de tèrra se deu semblar fòrça.

La mar separa pas, jonh.

Glossari en clicant suls mots joslinhats
(Glossaire pour les mots soulignés)
Tornar al somari ?