18 de febrièr de l'an 2000

Dins lo paisatge etèrne, las colors son escassas mas los matises te fan venir bavarilhas : una molonada de grises, doces, de lausa, de mirgas, de talpas, grises blaus e grises malves. E qué dire dels verds : verds d'argent mirgalhat, verds d'aiga, verds d'aiga-marina, verds escurs que balhan relèu a las fuèlhas, verds mesclats d'òcra jauna, verds lusents e quasi blancs... La tèrra, en-dejós, pòt anar del blanc de greda al burèl mai escur, passant per l'iranjat, l'òcra roja, lo gris de pèrla e totes los matises de la castanha e de la pèl d'esquiròl... La tèrra es dura, cauda, e lo cèl jòga son ròtle de cèl : celèste, cande, immobil, coma lo temps. Un pastre dels pelses boclats poiriá sortir de darrièr l'arbre ambe sas cabras.

Los olius espelofits pel cèrç vibran de totas sas fuèlhas. L'òli rajarà lèu.

Volètz véser un oliu ?
Glossari en clicant suls mots joslinhats
(Glossaire pour les mots soulignés)
Tornar al somari ?