23 de febrièr de l'an 2000

Un enfant sol davant son MacDò : as enveja de li dire que s'engana, que la noiridura vertadièra es endacòm mai, qu'es pas aquò la vida. As enveja de li dire aquò perque es un enfant, que creses qu'encara tot es possible per el. Me passegi dins las alèas de Vinisud a Montpelhièr. Una mòstra de totes los vins, majoritàriament occitans mai qualques vins de Borgonha, d'Espanha, d'Italia, del Liban, eta. T'esmeravilhas de la divesitat dels vins, colors, redoléncias, tanins, sabors... La doçor d'un Pinot negre de Catalonha se disputa contra lo velós d'un Cabardés de 97 qu'es encara jove mas que te balha un ample a ne pèrdre lo buf. Un "viognier", encara de Cabardés, te peta dins la boca : un ramelet de flors salvatjas ne fariá pas tant.

Càmbias d'endreit e passas dins la sala de restaurant. Joves "minets", encasquetats, vestits de negre o de gris escur, encartablats, entelefonilhats, règlan de crompas de vin - quantitats importantas - per telefòn. Sus la taula, un veire o una boita de Coca-Cola.

Passas e te'n vas, lo còr a ras dels pòts.

Per vos cambiar las idèas : http://museum.agropolis.fr/default.htm
Glossari en clicant suls mots joslinhats
(Glossaire pour les mots soulignés)
Tornar al somari ?