L'Ostal

Sirventés

Somari

 

- presentacion

- activitats

- mòstras

-Afogassets

 

 

 

ostal.sirventes@wanadoo.fr

Tornar al somari

general ?

 

 

general ?

Afogassets...

Un afogasset, qu'es aquò ? Es quicòm de pichon que se manja per acompanhar l'aperitiu e que càmbia dels eternèls cacauèts o crostilhetas. Un pichon libre de recèptas es estat editat per la colleccion Vendémias de l'Institut d'Estudis Occitans que vos dobrirà l'apètis. De temps en temps, vos balharem una recèpta tirada d'aquel libròt. Pels aperitius, podètz ensajar los pescajons ; sèm en temps de Candelièra : vos cal pas doblidar de far sautar lo primièr pescajon amb un loís d'aur dins la man (o una pèça d'un èuro, per èsser a l'ora d'Euròpa).

Los pescajons per l'aperitiu

Çò que vos cal :

- un cèrt nombre de pescajons (segon lo nombre de personas, ne comptar 1 per persona)
- quantitat de brossa en foncion dels pescajons
- èrbas finas : ceboleta, jalverd, espinarc...
- sal, pebre

 


- un cèrt nombre de pescajons (segon lo nombre de personas, ne comptar 1 per persona)
- campairòls salvatges de tota mena segon la sason (se pòt utilisar campairòls de consèrva)
- sal, pebre, òli d'oliva
- una bòla de salsa " bechamèl ", plan muscadada

Los pescajons d'erbetas

- Dins un ensaladièr barrejar la brossa amb las èrbas talhonadas fin-fin, sens doblidar la sal e lo pebre.

- Pausar los pescajons (non sucrats, plan segur) sus una sieta e i estirar dessús la barreja brossa-èrbas, sens far de talvèra. Rotlar plan sarrat e botar al refregidor per una bona ora.

- Abans de servir, talhonar los pescajons farcits amb un cotèl plan agusat e dispausar las lescas, amb una broqueta cadun, sus de sietons. Òm pòt decorar lo centre de la sieta amb un ramelet pichon de jalverd o d'una autra èrba.


Los pescajons de campairòls

- Triar los campairòls, los talhonar fin-fin e los far sautar dins la padena amb d'òli. Salar e pebrar a la fin.

- Ajustar los campairòls a la bechamèl e estirar la mescla sus de pescajons. Rotlar sarrat, daissar refregir e talhonar. Lo centre de la sieta se pòt decorar amb un o dos campairòls meses de costat.

 

Volètz anar véser la fabricacion d'afogassets ?
tornar als libres ?
 somari ?