Heure et Date

Viatge en Provença
1 - Lo Gròs sopar

Los mots sotalinhats dins lo tèxte mandan a un glossari.
La carda en salça blanca

2 kg de carda
3 culherats de vinagre
lo chuc d'un limon
1 culherat a sopa de farina
4 litres d'aiga (per la salça)
50 g de farina
50 g de burre
mièg-litre de bolhon
50 g de formatge raspat
sal, pebre, muscada

Coseson de las cardas

Cal netejar las cardas en tirant çò dur ; destacar las brancas, las lavar, las copar en tròces de 15 cm en levar los fials e getar, a flor e a mesura aqueles tròces dins una bassina d'aiga barrejada amb lo vinagre per fin que vengan pas negres.
Far cuèire dins çò que dison "un blanc" :
desfelcir un culherat de farina amb l'aiga freja ; ajustar sal, pebre e chuc de limon ; quand l'aiga ritz, metre las cardas e daissar cuèire a fuòc pichon e cobèrt, quicòm coma una ora.

Escorrir las cardas, las refrescar amb l'aiga freja, las tornar escorrir e las aprestar amb la salça.

 La salça blanca

Far fondre dins una cassairòla la mitat del burre, ajustar la farina, remenar, banhar pichon a pichon amb lo bolhon tebés, ajustar sal, pebre e muscada (al moment de Nadal, se las talhas vos daissèron encara un pauc de moneda, podètz ajustar una trufa negra raspada) ; daissar confir a descobèrt 10 minutas per que la salça siá plan ligada.

Unchar lo tian amb burre, metre al fons qualques culherats de salça, pausar dessús las cardas, cobrir amb çò que demòra de salça, puèi amb lo raspat e far rostir.

Tornar al calendièr ?
Tornar al somari ?