Heure et Date

Viatge en Occitania


Los mots sotalinhats dins lo tèxte mandan a un glossari.
Aquí la debuta d'un tèxte de Joan Larzac, preire de son estat e grand escrivan occitan del canton de Montpelhièr. Aqueste tèxt es paregut dins la revista del Cercle occitan de Montpelhièr, Lo Bram del Clapàs
(vos balharem deman las entre-senhas per vos abonar
atal coma la seguida del tèxte)

Per en cas que lo Papa aja pas encara aqueste an
après a vos o dire en occitan...
BON NADAL

Nòstre Sénher es d'aqueles abestits que son nascuts endacòm. Pareis que n'i a de pus fins que son pas nascuts en lòc. Un biais de dire que son nascuts pertot e que son de pertot al siu. Seriá meravilhós, se ne tiravan pas aquela conclusion que la tèrra tota aparteniá a eles, onte que siaga, e que los indigènas son un bestiari preïstoric dangieirós per la patz de la planeta.

Nòstre Sénher es nascut a Betelèm. Aquò empacha pas los faseires de santons e de pastoralas de lo far nàisser a Cavalhon al mièg des melons e als artistas de l'Africa de li donar lo morre negre e la nacionalitat de son pais a eles. Nòstre Sénher es pas nascut universal. Degús nais pas universal. Mas dins l'univèrs entièr i a de brave monde qu'an pas jamai espiat la color de ta pèl o l'accent de ta lenga quand aviás besonh d'un tròç de pan o d'un bocin de plaça al solelh.

E te refusaràn pas la nacionalitat se te vòls far de las costumas emai del parlar del pais. (de seguir...)

Joan LARZAC
Tornar al calendièr ?
Tornar al somari ?