Heure et Date

Viatge en Lemosin
2 - Per manjar encara...

Las castanhas

Èra un dels aliments de basi dels paisans lemosins. La castanha se manjava rostida o bolhida. Lo sèr, a la velhada, los òmes pelavan las castanhas en charrant. L'endeman matin, las femnas s'ocupavan de las far bolhir. Las metián dins una ola granda plena d'aiga a mitat que fasián plan caufar sens la far bolhir. Las castanhas i demoravan bèl brieu.

Alara, las femnas prenián lo deboirador fait amb dos tròces de fusta tenguts per una escrova de tal biais de formar una X. Aquel instrument, trempat dins l'ola, es remenat per far partir la rusca que cobrís encara la castanha. Aquò fait, las castanhas son a mand d'èsser cuèitas.

Dins la meteissa ola, plan netejada, se pausan patanas e rafes per tal d'evitar que las castanhas se crèmen puèi cal emplenar l'ola d'aiga. A l'ostal, ma maire ajustava una fuèlha de figuièr per far cuèire las castanhas. Se pòdon manjar amb de lait e de sucre

Tornar al calendièr ?
Tornar al somari ?