Heure et Date

Viatge en Provença
1 - Lo Gròs sopar

Los mots sotalinhats dins lo tèxte mandan a un glossari.
La pompa a l'òli

Per 3 pompas de 30 cm

- 1 kg de farina
- 250 g de sucre fin
- 250 g d'òli d'oliva
- 60 g de
levam
- un culhièr a sopa d'aiga de flor d'irangièr
- un culhièr a sopa d'anís en granetas
- la pèl d'un
limon, la pèl d'un irange
- aiga tebesa

Temps de preparacion

30 minutas + 7 oras per daissar levar la pasta, 30 minutas al forn.

Preparacion

Prestir 3 culherats de farina amb un pauc d'aiga tebesa, i ajustar lo levam.

Botar aquesta pasta que deu èsser pro consistenta dins un ensaladièr plen d'aiga freja e esperar que monte a la susfàcia (10 minutas a quicòm pròche).

Barrejar aquesta pasta amb la farina, la sal, lo sucre, las granetas d'anís, la pèl de limon, la pèl d'irange, lo culherat de flor d'irangièr e l'òli d'oliva.

Banhar un pauc (3 culherats d'aiga tebesa) per plan mesclar e prestir per far dintrar d'aire, fins que la pasta pègue pas mai a las mans.

Far 3 o 4 bòlas e las aplanir. Amb un cotèl, far de talhs en fòrma de man dobèrta. Pausar cada pompa sus una fuèlha de papièr sulfurizat unchat d'òli d'oliva. Salpicar lo papièr amb un pauc de semola.

Mèfi !

Cal pas qu'un corrent d'aire venga tocar vòstras pompas, se que non, tot va tombar ! Ba cal botar dins un membre tebés (abans ba pausavan jol plumon) a una temperatura regulara pendent 7 oras.

Calfar lo forn termostat 6. I botar las pompas e metre al termostat 7 per 10 minutas puèi al termostat 8 per 20 minutas. Susvelhar : s'aquò aviá tendéncia a rumar, botar dessús un papièr d'alumini.

S'aquò vos interèssa, podètz anar visitar aquel site de Provença :
http://perenoel.aubagne.com/

Tornar al calendièr ?
Tornar al somari ?