Indispensables per un manja-dreit en temps de Nadal. Indispensables se l'òm vòl respectar la tradicion. Indispensables sustot quand òm es gormand coma un gat ! Perqué tretze ? En temps de Nadal, plan de causas festivas viran, en çò nòstre, a l'entorn de la religion crestiana. Òm ditz qu'aquela chifra simbolisa e rapèla Jèsus e los dotze apòstols. Pendent lo ressopet (o gròs sopar, coma se ditz en Provença), meton tres toalhas sus la taula que simbolizan la santa Trinitat ; quand lo sopar èra acabat, la dòna de l'ostal, daissava taula mesa, las miquetas de pan sus la taula e se n'anava al lèit ; daissava aquò per las anmas dels defuntats de la familha e los angelons que se venián noirir d'aquelas sòbras. Ara, cadun pren dins la tradicion çò que mai li agrada : ieu, ai causit de vos parlar de gormandisas. que vos balharà una idèa dels tretze dessèrts. Se sètz tròp gormands e podètz pas esperar lo 25 de decembre per o saber tot, avètz que de crompar lo libre “ Afogassets o l'art de beure pas tot sol ” paregut a las edicions Vendémias de l'IEO-Aude (60F) |