Lo baselic
Nom botanic : Ocimum basilicum, O.sanctum, O.canum.

Istoric

Sens dobte originari d'Índia, lo baselic se cultiva dins la zòna mediterranèa dempuèi mai d'un milierat d'annadas : es totjorn estat utilizat pels egipcians, los grècs ancians que l'injuriavan per assegurar son grelhament e tanben los romans qu'èra, per eles, un dels simbòls de l'amor.

En Índia, la varietat sanctum ten un ròtle mai religiós (es dedicat a Vishnu e Krishna) que culinari. Es sensat protegir lo mòrt dins l'autre monde. Los grècs ortodòxes ne perfuman l'aiga benesida e ne meton al pè dels autars.

Arriba en Euròpa occidentala, al sègle XVI, amb los mercands d'espècias, e en Australia e America amb los primièrs colons europèus.

Cresenças

Lo baselic es una planta de fòrta connotacion religiosa dins un fum de confessions : en Índia, dins la Grècia antica, cò dels ortodòxes e tanben dins la religion catolica : es la planta que creis a l'entorn de la tomba de Crist aprèp sa resurreccion !

Es tanben un simbòl de l'amor pels romans coma pels romantics. Aquestes pensavan qu'una camba ofèrta a sa ben-aimada provòca en ela un amor etèrne.

Mas es tanben una planta ambigüa, amb proprietats medicinalas : contra lo mal de tèrra (d'aprèp Pline), contra las obsessions, las idèas negras, lo mal de viure. De temps, lo baselic es passat de las plantas comestiblas a las plantas toxicas. En Euròpa occidentala, èra tanplan l'èrba del diable qu'una planta per luchar contra las brèissas...

Vertuts

Tonic
Antiseptic, vulnerari
Favoriza la digestion, contra los espasmes gastrics, estomatic, carminatiu, laxatiu,
Diuretic.
Expectorant.
Anti-espasmodic.

Biaisses e astúcias

Fa fugir la pesolina, las moscas e los moissals.

Per lo conservar : congelacion o encara melhor l'òli d'oliva (supòrta pas plan lo secatge).

La planta

Ocimum basilicum

Familha de las Labiadas.

Erbacèa annuala jos nòstres climats, mas vivaça en climat tropical.

La multiplicacion se fa per semenason, li cal un sòl sèc expausat al solelh.

Lo cal culhir jos un grand solelh per desvelopar la qualitat gustativa.

Existís un fum de varietats (mai de 150) que d'unas se diferencian sonque per la composicion de sas òlis essencialas.

Tornar al calendièr ?
Tornar al somari ?
Tornar a l'indèx ?