Lo jalverd
Nom botanic : Petroselinun crispum,
Petroselinum hortense, Apium petroselinum.

Istoric

Èrba originària de Euròpa centrala o del sud, e particularament de las regions mediterranèas. Plan de temps associat a la mòrt, se'n decorava las tombas. Pasmens, Eraclès lo causiguèt per realizar sas coronas.

Los romans lo donavan coma pastura als chavals. E l'utilizavan sonque pels regalèmus siá per lo manjar siá per ne far garlandas dins l'intencion de far fugir las marridas flairas e prevenir l'embriaguesa.

Cresenças

Buta sonque s'es plantat per una femna presa o per una brèissa.

Lo cal plantar lo divendres sant per aver una bona recòlta.

Atira lo malur s'òm lo transplanta.

Vertuts

Ric en vitamina (la C), e en minerals (Fèr,…)
Antiseptic (gràcia a clorofila ?). Utilzar en cas d'infeccions urinàrias.
Diuretic.
Contra la retencion d'aiga.
Favoriza la montada de la lait.
Tonifia los muscles uterins.
En cataplasma contra las entòrsas, plagas, picaduras…
MÈFI : utilizar l'òli essencial sonque sus avís medical.

Es fòrtament desconselhat a las femnas presas.

Biaisses e astúcias

Es l'antidòt melhor de l'alh crus !

La planta

Petroselinum crispum

Familha de las Ombellifèras

Bisannuala glabra de las fuèlhas descopadas (planas o frisadas segon la varietat).

Flors verd jaunós.

Varietats :

PC , jalverd frisat o doble : 30-40 cm de naut, flors pichonas blancas l'estiu en ombella, fuèlhas verd viu e frisadas, principalament decoratiu.

PC hortense, jalverd commun, plat, italian : Planta bisannuala, 45-60 cm de naut, flors en estiu pichonas, blanc crèma en ombella. Fuèlhas verdas lissas e fòrt perfumadas.

PC varietat tuberosum o varietat radicosum, jalverd de gròssa rasiga, tuberós. Vivaça (annuala en cultura) rasiga de 15cm, fuèlha verda pròcha de PC Hortense, cultivat per sa rasiga que s'utiliza coma lo barbaboc.

MÈFI : confondre pas amb la ciguda pichona (Aethusa cynapium) fòrça toxica !

Tornar al calendièr ?
Tornar al somari ?
Tornar a l'indèx ?