Lo laurièr
Nom botanic : Laurus nobilis

Existís un fum de legendas a son sicut. Foguèt dedicat a Apollon puèi consacrat a son filh Esculape (dieu grèc de la medecina). Pels grècs antics, las coronas de laurièr servissián per celebrar los eròis, marcavan la distinccion mai nauta. Encara uèi, lo laurièr es simbòl de succès : lo bachilierat, del latin bacca lauri (baias de laurièr). Amai lo nom de laurièr se confond amb las lausenjas (laurus en latin).

Lo laurièr es una espècia tipicament europèa, s'utiliza pas jamais en Asia (levat de còps a las Filipinas jos l'influéncia espanhòla).

Istoric

Originària d'Asia Menora, arribèt dins tot lo bassin mediterranèu plan longtemps abans nòstra èra. Pline e Dioscoride atribuisson un fum de vertuts a totas las parts de la planta.

Al sègle XVII, lo botanista Parkinson canta sas vertuts : " sas fuèlhas son indispensablas coma cap d'autra dins l'òrt, que son a l'encòp agradivas per l'uèlh e utilas …."

Cresenças

Pendent l'Antiquitat, se cresiá que lo laurièr protegissiá del fólze.

L'erborista Culpeper nos ditz quel protegís de las "malafachas de Satan sus l'òme, que son tant nombrosas".

Vertuts

astringent / diuretic / digestiu, carminatiu, aperitiu / sudorific / estimulant / antiespasmodic / expectorant

La planta

Laurus nobilis

Familha de las Lauracèas coma la canèla ...

Arbre que pòt far15m, mas sovent podat a 1,5 - 2m

Fuèlhas lanceoladas (en fèr de lança), d'un verd encre e lusent, correjosas

Flors pichonas e blanc verdós

Baias negras a la tardor que contenon una carn verda, grassa e perfumada.

Mèfi ! confondre pas amb :
Laurièr cerièra : Prunus laurocerasus, toxic
Laurier rose : Merium oleander, toxic

 

Tornar al calendièr ?
Tornar al somari ?
Tornar a l'indèx ?