Calendièr de l'Avent de 2004

Alan Roch e Nadal...
Tornar al calendièr de l'Avent ?
Tornar a l'index ?
Tornar al somari ?

A paraître :
Una granda lampada de vin d'Alan Roch

64 chroniques parues dans La Semaine du Minervois entre 2000 e 2004

Édition : ADEO

Prix : 6,10 euros (+ 1 pour le port).

Commander à : IEO-Aude BP 105 11022-Carcassona Cedex

Pendant que certains boivent de petites gorgées de bière, nous nous mettrons à table et nous ouvrirons des bouteilles de Minervois.

Nous avalerons de grandes lampées de vin en nous racontant des souvenirs, non pas dans un esprit de nostalgie passéiste et dans le regret éternel de notre enfance et de notre jeunesse, mais pour sauvegarder et promouvoir un art de vivre qui s'appelle convivéncia, un monde du contact humain et de la parole qui dit et invente, qui conte, raconte et rencontre...

Envoie la bouteille par ici... Et ne te garde pas les coustelous pour toi tout seul, macarel !

Per paréisser :
Una granda lampada de vin d'Alan Roch

64 cronicas paregudas dins La Semaine du Minervois entre 2000 e 2004

Edicion : ADEO Prètz : 6,10 euros (+ 1 pel pòrt).

De comandar a : IEO-Aude BP 105 11022-Carcassona Cedex

===========================================

Del temps que d'unis bevon pichons glopets de cervesa, nosaus nos setarem a la taula e dobrirem cantinas de Menerbés.

Churluparem grandas lampadas de vin en se contant sovenirs e remembres, non pas dins un esperit de nostalgia passadista e dins lo regret etèrn de nòstra enfància e de nòstra jovença, mas per salvagardar e promòure un biais de viure que se ditz convivéncia, un monde del contacte uman e de la paraula que ditz e inventa, que conta, raconta e rescontra...

Fai passar la cantina apr'aquí... E te gardes pas los costelons per tu tot sol, macarèl !

===========================================

Cronica del 22/12/04 :

L'ÒME-NADAL ES DIEU !

De passatge a Nions, ont l'oliva es bona coma a Bisan, de veire sul rond del vira-l'ase central, aquela decoracion nadalenca originala : dos arcàngels de las alas blancas a bufar dins una trompeta :

L'una fa tarala tarala taralèra lin tam pom e l'autra li fa lo respons !

Solament, los dos Gabrièls, es pas la naissença d'un pichon Jèsus qu'anóncian, mas l'arribada d'un Salvaire Suprème : l'Òme-Nadal ! E òc, lo grand Barbut arriba just darrèr los dos envoiats del Cèl. Ven en aeroplan vist que los rèns se son faita la mala dins un bòsc parisenc.

E lo paure d'el fa pas seguir los presents que son estats perduts a jamai dins lo gròs avion espetat al-dessús del Pacific (???), victima d'un atentat de la gendarmariá dels aeropòrts qu'i pausèt un pan de plastic dedins !

Lo pòble de França, conscient d'aquela manca e despassant la granda paur de la misèria e del caumatge, faguèt espetar lo mustimètre d'utilizacion de las cartas bancàrias la dimenjada passada a crompar causas plan importantas per faire fèsta e presents utiles o inutiles, que te sabi ieu ! En camin per una fugida non pas en Egipte, mas de fait plan illusòria dins una sembla-jòia qu'es pas que l'expression d'un mercantilisme demultiplicat amb las corsas del darrièr moment dins de magasins dobèrts 24 oras sus 24 e los imatges per la bona consciéncia de quauqua sopa populara per unis SDF !

Es pas solament de restaurants qu'a besonh lo còr ! Cal metre de còr de pertot e tanben, e bravament, un pauc d'èime ! Anem, pro de rasonaments...

Òu, la piòta, t'ai vista : pas besonh de t'amagar ! Te vas prene un còp de soc glaçat darrèr lo copet e tres armadas de pichons boscatièrs roges te ressegaràn las cuèissas. Tè, fai-me passar aquela brava cantina de Menerbés ! E de qué parlàvem ja ?

Santirolet Roch