Calendièr de l'Avent de 2004

Nadal en Occitania : Clicatz sus la luna !

La Ceba de Menda
Tornar al calendièr de l'Avent ?
Tornar a l'index ?
Tornar al somari ?

Se lo reconeissètz, saupretz
lo nom de l'autor
del conte de la Ceba de Mende
qu'es a costat...
========================
Per acabar, vaquí provèrbis
del Mes de l'Avent - Decembre

Quand Nadal inonda
Tot s'abronda.

Gibre d'avant Nadal
Cent escuts val
Gibre de Nadal
Degun sap çò que val.

Aquò se passet a Menda, en Losèra. Polit país malgrat çò qu'òm ne pòt pensar. Polit país per la pesca a la mosca que se cobrís de nèu per Nadal, coma dins los imatges de l'enfança.

Èrem venguts jogar pels abelhaires jos una tenda davant la catedrala.

Après lo manjar, sortiguèri per fumar qu'es aquí que son las femnas interessantas. Las que fuman pas valon pas un clavèl d'esclòp, tant seriá de Nadal.

La fumaira èra polida coma una regenta ; quora son polidas, plan segur.

- M'agrada la vòstra musica, me faguèt. Lo banjò es pas evident, contunhèt.
- Sabètz, i a ren d'evident, respondèri. Tenètz, l'amor, aquò's coma Dieu, existís pas, que son pas qu'especulacions intellectualas, pr'aquò, i a las catedralas, acabèri.

La de Mende èra aquí, davant nautres, silenciosa, coma per pesar mai sus ma pensada prigonda. La fumaira n'èra muda.
Quora la volguèri potonejar, me fotèt un ròt de ceba.

La ceba, mai s'es aquò que nos manca, s'es aquò que nos cal ; la ceba, aquò fa plorar ; de còps que i a.

========================

A la Senta-Barba (4 de dec.)
Solelh gaire arda.

Per Nadau los jorns aumentan d'un pè de jau
Per lo jorn de l'an d'un pè de galant
Per los Reis quò se coneis.
(varianta : Quand arriba l'an nuòu
los jorns fròtgen d'un saut de buòu.)

Lo jorn de Nadau
L'ajaça pòrta son primier trau

Qu'un per Nadau se solelha
Per Paschas brusla sa lenha.

 Mercé a totes mos amics e amigas
qu'an participat a aqueste Calendièr !

Bon Nadal a totes los amics de la lenga d'òc,

e tanben als autres, plan segur !

A l'an que ven per un autre

Calendièr de l'Avent...

Lo 1èr de genièr de 2005,

vos reservam una pagina de vots !

Mas lo site de l'Institut d'Estudis Occitans d'Aude contunharà
de vos informar
e i podètz tornar...
sens moderacion !