Rosina de Pèira, cantaira o rossinhòl ?
A Rosina De Peira.

 

Folklore !

 

Ils commencèrent à danser

Et chanter leurs chansons.

Veillées merveilleuses

Danses venues du fond du temps

Chansons anonymes

Sur la pente de l'oubli

Contes de Bernard mon oncle...

 

Folklore !

Disaient les autres en faisant la moue

Avec cet air de mépris et de dégoût

Qu'il est de bon ton de prendre

Quand on jette aux ordures

Les fleurs offertes qui sont fanées

Et les vêtements déchirés.

Quand ils eurent assez dansé, ceux qui dansaient

Et assez chanté leurs chansons

Ils s'aperçurent que c'était là que dormait leur âme

Et que depuis toujours on la leur avait volée.

Alors se dressèrent de nouveaux trouvères

Pour dire la parole perdue

En criant les malheurs du moment.

 

Folklore!

Grincèrent les " culs pincés "

Qui avaient échangé les fleurs naturelles

Contre des roses en plastique

Achetées à crédit

Dans le supermarché le moins cher

- Le dernier cri disait la télévision -

 

Quand éclata la première bombe

Dans la cour de

Je ne sais quelle Préfecture,

Ils ne comprirent pas

Ce qui venait de se passer.

 

MAURICI ANDRIEU. TOLOSA , lo 21 d'octobre 1975

Rosina de Pèira es una de las primièras cantairas de fòlc occitan. Tre la debuta de las annadas 70, luta per la reconeissença culturala de son país e crea l'ostal d'edicion de disques Revolum.

Originària d'un vilatjon de la region de Tolosa, Rosina de Pèira descobrís la cançon tradicionala occitana en familha, puèi als Ballets Occitans de Toulouse amb son amiga Françoise Dague. Rosina comença de cantar en public a la debuta de las annadas 70. Cantaira tradicionala, s'impausa lèu dins lo movement de la nòva cançon occitana.

Acompanhada de sa filha Martina, Rosina fa restontir sa votz dins totas les manifestacions de sosten a las lutas occitanas : en 1973, a Montsegur d'Arièja, als Rescontres occitans d'Avinhon, al Larzac, ont va jogar dabans un public immens. En 74, se va separar un pauc del movement occitanista e va fondar son pròpri ostal d'edicion musicala, Revolum, a Tolosa. Sortís son primièr albom, Rosina e Martina de Pèira. Martina acompanha sa maire al cant e a la guitarra.

Rosina va trobar sa personalitat amb Cançons de femnas. Sortit en 79, cò de Revolum, aqueste disc es un regal vertadièr, tant per la votz que pels instruments. Original per l'epòca, va aligar cançons tradicionalas de Gasconha, Peiregòrd, Lengadòc, Lemosin e Roèrgue a d'instruments electrics. Es amb aqueste disc qu'obten lo grand prèmi internacional de l'Academia Carles Cròs (que ne cal prononciar la S finala !!!).

En 81, Rosina perseguís lo camin del mestissatge musical amb l'album que i participan Martina e Clara, son autra filha.

Aprèp un albom consacrat a la cançon de trobadors, en 83, Trobadors, Rosina, Martina e Clara s'associan a Françoise Dague per un quatuòr a capella per l'albom Nadal Encara, en 85. Immensa capitada : l'albom s'expòrta fins a Japon e nòstras Occitanas obtenon lo Grand Prèmi Carles Cròs en 85. Rosina e Martina entamenan una seria de viradas internacionalas. En 86, Rosina e Martina van virar en duò, cantant a capella, plan sovent dins las glèisas, alternant cants de trobadors e nadalets.

En 90, una virada al Marròc amb lo mèstre del laüt, Marc Loopuyt, daissa Rosina meravilhada, en particulièr quand se rapèla l'ambient magic del concèrt a la mosquèa de Marrakech. Enfins, lo darnièr albom de Rosina sortiguèt en CD en 92, Anueit.

Discografia :

Rosina de Peira e Martina. REV 001. 1974.
Rosina de Peira. REV 005. 1976.
Rosina de Peira e Martina. Cançons de femnas. REV 018. 1979.
Rosina de Peira, Martina e Clara. Ié. REV 039. 1981.
Rosina de Peira e Martina. Trobadors. REV 047. 1983.
Rosina de Peira, Martina, Clara e Francesa Daga. Nadal encara. REV 054. 1984.
Rosina de Peira, Martina e Clara. Arieja o mon pais. REV 061.
Rosina de Peira. Anueit. 199582 C.D.

Vaquí dos sites entre fòrça autres ont podètz escotar un tròç pichon-pichon de la votz del nòstre rossinhòl :
http://mp3.gralon.com/album-mp3-anueit-occitan-rosina-de-peira-931.htm
http://www.mikelimusic.com/fr/albums/album.php?album=22

Se vos volètz pausar a son ostal : http://www.ariege.com/les-estivades/

 Tornar al Calendièr de l'Avent ?
Tornar al somari ?
Tornar a l'acuèlh ?