« Qu'une truffe tombe dans mon assiette,
cela suffit : c'est l'oeuf qui soudainement fait éclore dix personnages
de la comédie humaine. »

Honoré de Balzac
(qu'èra de familha occitana ;
se ditz que lo Joan Bodon
seriá de la familha
del costat dels Balssàs)

Ensalada amb trufas : Prene 3 varietats d'ensaladas (es çò mai aisit !) : fuèlha de garric, trevisa e còr de frisada. Preparar la salsa lo matin pel vèspre amb òli d'oliva : aprèp las aver netejadas, copar las trufas frescas en lisquetas. I ajustar sal, pebre (pas de vinagre), cobrir e daissar pausar fins a l'ora de sopar. Al moment de servir, virar l'ensalada.

Ustras rabassièras : (la rabassa, es atal que dison la trufa negra en Provença) Dobrir 4 ustras per persona. Las escorrir plan, las destacar de la cauquilha. Preparar un burre de trufa (burre e trufa passats al barrejaire) e ne metre una noga per ustra. Ajustar qualques gotas de vinagre. Pebrar e passar 5 minutas al forn plan caud. Decorar amb una lisqueta de trufa.

Lo 23 de genièr, a Mossolens, dins Aude, se tendràn las Ampelofolias del Cabardés consacradas pel primièr còp a la trufa negra e al vin de Cabardés.

tornar al somari general ?