Provèrbis pel temps de Nadal
(tirats de " Proverbes de l'Aude " recampats per Loís Alibèrt,
edicions Vent Terral, 120 F (Energues 81350 Andouque)

Arbre plantat pendent l'Avent totjorn pren (las quatre setmanas abans Nadal).
La poda de l'Avent fa beure pus sovent.
Per sant Tomàs, los jorns son al pus bas (21 de decembre).
Quand Nadal es sens luna, de cent fedas n'escapa pas una.
Quand per Nadal s'assolelha, per Pascas se torrelha.
Quand Nadal es un diluns, pòdes far lo badalús (badaluc : desobrat, piòt, pas plan degordit ; pòt significar que i a pas res a far, que lo temps es favorable ?).
Quand Nadal es un dimècres, se pòt semenar camps e crèsses (un crès es un terrenc tant magre que normalament res pòt pas i venir).
Quand Nadal es un dijòus, estrèma ton araire e ton buòu.
Sant Silvèstre non pòt èstre qu'un còp l'an : la velha de cap d'an ("primièr" de l'an).

Se sabètz d'autres provèrbis per aquesta epòca, una sola solucion : clicatz aquí e mandatz-nos lo vòstre. Plan mercé !
tornar al somari general ?