La pompa a l'òli, qu'es aquò ?
Quicòm de simple e deliciós.

1 quilò de farina
250 gramas de sucre fin
20 gramas de levadura del fornièr
la mitat d'un veire d'aiga de flor d'irangièr
200 gramas d'òli d'oliva
2 pels d'irange raspadas
Barrejar e prestir lo tot. S'aviá l'aire tròp sec,
caldriá ajustar un chic de flor d'irangièr.
Amassar la pasta en bola dins un ensaladièr, plan estropat dins una tòrca
e daissar dins un canton de l'ostal, caud e sens corrent d'aire, pendent tres oras
(lo temps d'arrengar l'avet de Nadal, per exemple) per la far doblar de volume.
Al cap de tres oras, formar una galeta amb la bola gròssa, i far de talhs amb un cotèl de la lama fina
e botar al forn doç en susvelhant que rastume pas.
Se manja freg amb de confitura
o tot sol, quand l'enveja te pren.
(Si vous voulez la recette en français,
écrivez-nous et nous vous l'enverrons)
Deman, quicòm mai, una fòto o un dessenh !
tornar al somari general ?