LETRA A L'ÒME-NADAL

Òme-Nadal,
Te demandi pas gaire :
Un caval,
Una saca de blat
E una guitarra
Un caval color arcolan
Per córrer la planeta
Als quatre galaups
Al rescontre de totes los enfants

Una saca de blat
Per semenar de pertot
Las granas d'espèr,
De patz e d'amistat

Una guitarra polideta
Per faire cantar en armonia
Las lengas dels òmes
Dins una universala sinfonia

Òme-Nadal, Òme-Nadal,
Me digas pas que ton magasin
Es voide !

Cerca plan, cerca plan
E se trapas pas,
t'ajudarai, t'ajudarai,
T'ajudarem, t'ajudarem
A fargar los presents

per deman.

Alan ROCH
(Al Solelh de las lèbres - 30 FF, Colleccion Vendémias)
de comandar

illustracions d'Anna Sardà

 

tornar
al somari general ?