Traparetz aicí lo bulletin d'informacions
mandat cada mes
als membres de l'IEO-Aude e amics.
Per causir, clicatz sul mes que vos conven :
Ara (2003-2004) los bulletins son pas mai en linha (tròp pesucs de telecargar).
Se o volètz, nos podètz mandar vòstra adreiça electronica e reçaupre cada matin - o gaireben - las informacions del jorn
qu'interessan mai que mai las activitats occitanas.


Heure et Date dans une boite

Un exemple de jornalièr :

JORNALIÈR AUDENC N° 38 (dissabte 7 de febrièr de l'an 2004) :

1) Als 4 Vents
2) Trobada
3) Autres rendètz-vos
4) Caravana de las lengas a Carcassona
5) Se passatz per Pau

=======================================================

1) Als 4 Vents :

L'emission d'aqueste dimenge, a 8h30 de matin, vos menarà dins Pireneus, amb sas legendas e sos contes. Atal, l'Arca de Noè se trapa endacòm en Aragon : enfins, es çò que conta lo Claudi Martí...!!!
(RCF : Carcassona : 103 ; Narbona : 98,2 ; Limós : 87. L'emission se pòt tanben escotar sus Internet : www.comfm.com/live/radio/rcfpa/)

=====================================================

2) TROBADA 2004

La Trobada 2004 del Cremm-Trobar comença aqueste vèspre a Puègnautièr, tre 14h30, a Na Loba.

S'i parlarà primièr de l'espelida e del developament de la poesia lirica dins l'Europe de l'Edat Mejana : lo ròtle dels trobadors ; puèi de la geografia e de l'istòria de las originas trobadorescas.
Comunicacions encara dimenge (matin e vèspre) e diluns de matin.
Los aderents IEO benefician de la tarifa redusida (6 èuros en plaça de 8) per las seradas musicalas : Fouad Didi, lo dissabte ; lo grop Kafila, lo dimenge).

Entre-senhas e inscripcions : Cremm-Trobar BP 19 11610-Puègnautièr

tel : 04.68.71.74.45 ; e-mail : cremm.trobadors@wanadoo.fr

========================================================

3) Una dimenjada :

- las sortidas de Carnaval a Limós (11h, 17h, 22h) : Les Maïnatches (dissabte 7) ; Le Pont Vieux (dimenge 8).

- uèi, a 15h, F. de Ravignan signa son libre sus la fam dins lo monde a la Botiga Etica de Carcassona.

- aqueste ser, La Chaloupe es en recital a Marselheta.

- deman dimenge, en fin de vèspre, La Fanfare du Minervois anima lo Fest'Hiver de Rollens.

======================================================

4) La Caravana de las Lengas farà una pausa dinamica a Carcassona, a l'Ostal Sirventés, dimenge 15 de febrièr de matin, a 11 h.
Serà un quarantenat de viatjaires que seràn reçauputs.
França-3-Sud vendrà per entamenar lo viratge d'una emission especiala de Viure al país.
Per reçaupre dignament los caravanièrs, vos cal venir e faire venir monde.
Avisatz çaquela de vòstra venguda (per faire mai bèla la banasta d'afogassets) e podètz, de mai, prepausar vòstre concors :

- artistic

- cosinièr.

============================================

5) A PAU

"Ua lenga, l'occitan/Une langue, l'occitan" Exposicion bilingüa sus l'istòria de la lenga/Exposition bilingue sur l'histoire de la langue

Actuellement à l'Hôtel du Département à Pau (Salle des Arches)
Visitas cada dimèrcs, dijaus, divés de 2 òras dinc a 6 òras deu ser
Visites les mercredis, jeudis, vendredis de 14h à 18h jusqu'au 12 mars 2004

Rensenhaments : 05 59 13 06 40

(Comunicat per l'Institut Occitan)

===================================================

Lo « Jornalièr Audenc » es una iniciativa de l'Institut d'Estudis Occitans-Aude.

Es mandat al rasal de difusion de l'associacion. Per l'ora : 109 personas o associacions.
Se lo volètz pas mai reçaupre, nos avisar. Mas podètz tanben informar vòstres amics d'aquela existéncia e los faire ajustar a la lista de difusion.

=======================

Institut d'Estudis Occitans-Aude BP 105
11022-Carcassona Cedex
tel : 04.68.25.19.78
http://perso.wanadoo.fr/ostal.sirventes/

Tornar al somari ?