Del Yemen al cèl de la boca...


Du Yémen au palais...

Color cafè, que t'aimi ò color cafè ! 

Un pauc d'istòria
Del Iemen a Constantinòpla, d'Amsterdam a Ceilan, de París a Boston passant per Venezzia, lo cafè conquistèt la planeta tota. Per-dessús epòcas e frontièras, demorèt totjorn un simbòl universal d'ospitalitat e de partatge.

Per part granda, devèm a la civilizacion araba la difusion del cafè jos sa fòrma liquida. A la debuta del sègle XV, es a la Mèca que comença son usança, puèi los escambis comercials e las guèrras de conquistas li balhan espandi fins als païses d'Orient.

1555 : Khawehâne, lo primièr ostal del cafè, dobrís a Constantinòpla. Solas Abissinia e Arabia lo produsisson e lo gardan jos son contra-ròtle.

1616 : Es un mercand olandés que ne pana qualques granas a Mocà en Arabia. Aquelas granas seràn puèi introdusidas en Africa e en Asia.

Arribarà puèi a Marselha ; Loís XIV n'es gormand e ... los cortesans tanben !!

1686 : Los cafès se dobrisson a París (lo cafè Procope) puèi a Venezzia; Brèma, Londres e Boston.

1710 : La " cauceta" es inventada en França que permetrà l'infusion de cafè.

1721 : Gabriel de Clieu impòrta lo cafè a la Martinica e d'aquí serà cultivat dins las Antilhas totas.

Un oficièr bresilian sedusís la femna del Gobernador de Guiana (lo bon costat de l'afar !) e lo cafeièr s'implanta al Brasil.

La foliá del cafè menarà lo grand J.S. Bach a compausar (1734) sa Cantata al cafè que ne canta las vertuts alara que los religioses ensajavan de n'enebir l'usatge a las femnas (Mercé, Joan Sebastian) : " Nul prétendant ne m'aura s'il ne me fait la promesse que je pourrai me régaler de café ! "

1997 : Pendent las folhas arqueologicas a Dobai, se descobriràn grans de cafè que datarián del sègle XII.

naut de pagina

Preparacion del cafè

D'en primièr, cal causir un cafè de bona qualitat, tengut a l'abric de l'aire.

Per li gardar totas sas qualitats, botaz-lo al refrigerador, dins un pòt plan tampat.

Vos cal utilizar aiga fresca e pura.

Cal comptar quicòm coma 6g de cafè molinat per taça, valenta a dire un culhèr pichon bombat.

Botatz-lo dins lo filtre e asagatz-lo d'un pauc d'aiga fernissenta. Daissatz conflar 30 segondas e vojatz lo demai de l'aiga d'un sol còp.

Se volètz preparar una granda quantitat de cafè de prene dins la jornada, utilizatz una cafetièra isotèrma, per conservar vòstre cafè al caud
pendent 6 oras, a pauc pres.
Mèfi ! cafè bolhit, cafè fotut !

Un trocet (perqué lo diminutiu ???) de chocolat negre ajustarà un plaser de mai a la tasta.
naut de pagina

Deman, un cafè de mai e recèptas inabitualas amb cafè !
Tornar al calendièr de l'Avent ?
Tornar al somari ?