ACADÈMIA UNIVERSALA DEL CASSOLET

Fa un an de temps, un grop d'afogats del Cassolet, que s'ocupan de restauracion e dels mestièrs de boca, fonciona a... Toquiò al Japon. Los membres fondators ne son lo carcassonés Andrieu Pachon, lo montalbanés Antòni Schaffers e la japonesa Arumi Osawa (que baileja lo grop French Food Cultur Center &emdash; Centre de Cultura e de Noiridura Franceses). Per l'annada que ven, an ja previstas tres presentacions del Cassolet dins de grandas vilas japonesas. Se sap (o se sap pas !) que la cultura occitana es pro ben coneguda aval, una cadièra existís a l'universitat de Osaquà. Libres son estats revirats de las doás lengas dins las doás lengas, un lexic japonés-occitan existís tanben.
Lo 31 d'octòbre, l'Acadèmia Universala del Cassolet serà oficialament creada a Carcassona, tèrra del cosinièr prestigiós Prospèr Montagné, que lo Joan-Claudi Rodriguez &emdash; del castel Trencavel-St Martin &emdash; n'es l'eritièr dirèct. Òm coneis la passion, lo respècte que J.-C. Rodriguez pòrta a sa tèrra d'òc, a sos products e al biais de los acomodar, practicant a l'encòp la tradicion culinària nòstra e l'inventivitat sieuna. Los membres fondators, majoritàriament professionals, seràn batejats en lenga nòstra ; serà pas necessari de jurar fidelitat a cap de règla : aiman talament lo Cassolet que seriá pas pensable que posquèsson dobrir cap de boita !
La tòca d'aquela Acadèmia es de promòure la gastronomia locala, lo torisme. Una Rota del Cassolet es a se metre en plaça, mena de cadena de professionals de la restauracion. Una Carta precisa lo desvolopament de l'utilizacion dels productes locals coma las mongetas, lo gras... de qualitat plan segur.
Lo sèti social d'aquela Acadèmia Universala del Cassolet es al Castèl Trencavel-St Martin, a Montredond, un escart que tòca Carcassona.

Il y a un an déjà, un groupe de passionnés du cassoulet, qui s'occupent de restauration et de métiers de bouche, fonctionne à… Tokyo au Japon. Les membres fondateurs en sont le carcassonnais André Pachon, le montalbanais Antoine Schaffers et la japonaise Hroumi Osawa (qui dirige le groupe French Food Cultur Center). Pour l'an prochain, trois présentations du cassoulet sont déjà prévues dans de grandes villes japonaises. On sait (ou on ne sait pas !) que la culture occitane est assez bien connue là-bas, une chaire existe à l'université d'Osaka. Des livres ont été traduits des deux langues dans les deux langues, un lexique japonais-occitan existe aussi.
Le 31 octobre, l'Académie Universelle du Cassoulet sera officiellement créée à Carcassonne, terre du prestigieux cuisinier Prosper Montagné, dont Jean-Claude Rodriguez &emdash; du château Trencavel-Saint Martin &emdash; est l'héritier direct. On connaît la passion, le respect que J.-C. Rodriguez porte à sa terre d'òc, à ses produits et à la façon de les accomoder, pratiquant à la fois notre tradition culinaire et l'inventivité qui est la sienne. Les membres fondateurs, majoritairement des professionnels, seront baptisés en occitan ; il ne sera pas nécessaire de jurer fidélité à aucune règle : ils aiment tellement le cassoulet qu'il ne serait pas pensable qu'ils puissent ouvrir une quelconque boîte !
Le but de cette association est de promouvoir la gastronomie locale, le tourisme. Une Route du Cassoulet est en train de se mettre en place, sorte de chaîne des professionnels de la restauration. Une Charte précise le développement de l'utilisation des produits locaux comme les haricots, le gras… de qualité bien sûr !
Le siège social de cette Académie Universelle du Cassoulet est au château Trencavel-Saint Martin, à Montredon, dans la banlieue de Carcassonne.


Tornar als afogassets ?
Revenir aux afogassets ?

Tornar al Calendièr de l'Avent ?