Lo gibassièr per Nadal
Lo Gibassièr o Pompa a l'òli

Es un dels tretze dessèrts que se servisson a la fin del gròs sopar magre
de la nuèit de Nadal.

500g de farina
100g de sucre
100g d'òli d'oliva
30g d'anís en granetas
25g de levadura de fornièr
1 pecic de sal
1 veire d'aiga tebesa
5cl d'aiga de flor d'irangièr
1 rosset

- Desfelcir la levadura dins mièg veire d'aiga tebesa.
- Metre 100g de farina dins un bòl e incorporar la mescla d'aiga e de levadura
per fin d'obténer una pasta mofla.
- Metre dins un endreit tebés e daissar doblar (1 ora a quicòm pròche )... Aquò serà lo levam.
- Faire fondre lo sucre dins mièg veire d'aiga.
- Metre la farina que demòra dins un ensaladièr grand.
Ajustar lo sucre fondut, l'òli, l'anís, la sal, la flor d'irangièr. Mesclar.
- Incorporar lo levam e trabalhar la pasta fins que se desempegue del plat.
- La daissar levar per que doble (encara una ora).
- La tornar trabalhar pendent 5 mn. La separar en doas bòlas.
- Farinar una placa e espandir las bòlas sus un centimètre d'espessor.
Amb una lama de cotèl, faire incisions sus la susfàcia de la pasta.
- Tornar daissar levar encara (1 ora).
- Caufar lo forn (facultatiu : passar lo rosset sus la susfàcia dels Gibassièrs).
- Cuèire quicòm coma 15 mn a forn caud.

Regalatz-vos ! Ne volètz saupre mai suls tretze dessèrts ?

Tornar al calendièr de l'Avent ?
Tornar al somari ?