La Grépia

de Danisa e Pèire

Nòstra amiga Danisa Lolhet, afogada d'occitan e de santons, fa cada annada una grépia remirabla que deu mesurar quicòm coma tres mètres sus dos de nautor. Fins ara, son òme, lo Pèire, d'origina picarda mas adoptat e adaptat en Occitania, amator esclairat d'orguena e animator de l'associacion dels Amics de las orguenas de Narbona, s'enanèt al mes de novembre, per anar charrar amb lo J.-S. Bach o d'autres...
La suspresa foguèt totala e nos daissèt dins una dolor granda.
Que siaga mercejat per tot çò que nos portèt son agach d'en defòra d'Occitania, mas talament doç, risolièr e epicurian.

Se volètz mandar un mot a la Danisa, vos balhi son adreiça. A escrit un fum de librilhons pels pichonets e de contes que pareisson temps en temps dins la revista L'Audyssée.

Avètz aquí qualques imatges de la grépia de la Danisa e del Pèire.
Danisa LOLHET Chante colline 11200 Paraza

Podètz clicar sus la fòto que se trapa al dessús per la véser mai bèla.
Deman, tornarem
a qualques recèptas festivas,
per dire de se gandir
del colesteròl !!
Tornar al calendièr de l'Avent ?
Tornar al somari ?