ESPANDIMENT Dempuèi 1945, l'Institut d'Estudis Occitans òbra per la defensa e la promocion de la lenga occitana. S'agís pas de servar dins un musèu una lenga del passat mas de balhar los mejans a totes los estatjants dels païses d'òc d'afrontar las realitats del monde present en s'apiejant sus sas rasigas e una dinamica de creacion dins la lenga e la cultura del país. Lo combat es engatjat entre una societat mondiala unifomisada sens chuc ni muc e una societat plurala dobèrta a totas las culturas, al dialòg e als escambis entre los òmes e las femnas del monde tot. L'Institut d'Estudis Occitans vòl desvolopar la cultura d'òc jos totas sas fòrmas.

ÒBRAS  Per permetre la realisacion d'aqueles objectius, l'Institut d'Estudis Occitans agís dins los domènis seguents : recèrca estudis, collòquis, publicacions promocion de l'ensenhament de l'occitan formacion : estagis, rescontres d'estiu,... joinessa : centres de vacanças arts plasticas : mòstras musica edicion : l'IEO es lo primièr editor de lenga d'òc amb sas colleccions : de pròsa (A Tots), de poesia (Messatges), de vulgarisacion (Descobèrtas), enfants (Aubina),... De mai, las seccions regionalas e departamentalas de l'IEO, los Cercles occitans locals participan a l'animacion e a la vida culturala del país. L'Institut d'Estudis Occitans se vòl lo luòc de rescontre de totes los que vòlon obrar per la lenga e la cultura occitanas e per un país viu.

somari ?