AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- la fèsta del pòrc

- còdi postal

 

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- la fèsta del pòrc

- còdi postal

 

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- la fèsta del pòrc

- còdi postal

 

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- la fèsta del pòrc

- còdi postal

 

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- la fèsta del pòrc

- còdi postal

 

 

ostal.sirventes@wanadoo.fr

Tornar al somari general ?

XIII, UN RUGBÍ OCCITAN

Lo libre :
XIII coma Rugbí

Lo rescontre de la lenga d'òc e de la passion per un espòrt : lo rugbí a tretze.

Una passion partejada de Carcassona a Vilanòva, de Lesinhan a Sant Gaudenç, de Limós a Carpentràs d'Albi a Perpinhan.
13 coma rugbí es un libre de contacts fòrts coma una carga de pilièr, leugièrs coma una pauma que corrís a l'ala, una granda mesclanha d'istòrias, de legenda, de paraula, d'amor e de mots, de rires e de plors, de pelena e de tribunas, de colors e de frairetat entre lo gratar de las polas e los sauts dels cangorós...

13 coma rugbí : un ensag que sètz tenguts de legir... (Fòtos del Match clandestin ?)
L'estatua de Puig-Aubert a Carcassona (1/11/2000)

Vocabulari :

La partida
Los jogaires
L'entraïnaire
La pauma corrís
La defensa
Còps de pè
La fièra dels trucs
L'òme del fiulet
Las nhòcas
Per un punt...
Lo public
Ne saupre mai sul rugbí a XIII ?
lo 1er de novembre 2000, per l'inauguracion de l'estatua de Puig-Aubert a Carcassona, Alan Roch lo tretzista e P.Albaladejo lo quinzista, a parlar del libre " 13 coma rugbí "



Fotòs Carles Recio (mercejam Tièrri Mossé pel trabalh dels imatges)


Dempuèi qu'en 34 un Catalan, Joan Galia, que jogava dins una equipa occitana de rugbí, descobriguèt lo XIII e lancèt aquel espòrt dins nòstras contradas, tantas causas son arribadas : l'interdiccion de Vichei, l'atge d'aur de las annadas 50, los moments dificiles, lo reviscòl actual,...

Las equipas d'Occitania (Lengadòc, Provença, Aquitània, Pirenèus,...) e de Catalonha demòran los caps de fila del moviment tretzista.

Aquestas linhas son un omenatge a totes los jogaires d'aicí (filhs d'Occitania e de Catalonha o venguts de la lonhdana Oceania), a un public fisèl, a los que comentan las partidas a l'entorn dels estadis e tot lo long de la setmana al cafè o al trabalh, entre amics o entre partisans d'equipas rivalas per tornar començar per la paraula los rescontres...

Aquestas linhas se vòlon tanben lo signe qu'una de las fòrças d'un espòrt se pòt trapar dins son enrasigament e, per çò que nos concernís, dins una referéncia a una identitat occitana modèrna e dinamica.

Lo Cercle Occitan de Carcassona

 

La partida

L'arbitre fiula : la partida comença. L'arrièr es pas un banasta e culhís la pauma de volada. Lança l'ataca, mas la defensa es en plaça e placa a las cambas. Cal jogar un tengut (fan a grata-pola, dison las missantas lengas).

Una passa mancada, un jogaire estabosit, badamoscas o malaisit (Te caldriá crompar un pauc de pega !), la pauma redòla pel sòl : en-abans ! Còp de fiulet : mesclada !

Ara, las primièras mescladas se relevan pas mai mas traparetz totjorn qualqu'un per vos contar los còps de cap d'un còp èra, los trucs e patacs, las nhòcas, los carpans, los tusts e los cofals, las morniflas e los cachamorres... Vos avisètz pas de faire aquò uèi que l'arbitre vos mandariá pausar un desenat de minutas sus la tòca o prene la docha al vestiari.

Fòra-jòc, fòra-jòc ! : lo public pòt plan cridar a plec de garganta, l'arbitre vei pas que l'equipa d'en fàcia tricha. Mas uèi, los nòstres an lo nhac e jògan amb la sang del papeta. Una candèla, un cambiament de pè, una passa crosada e passa-que-t'ai vist, l'alièr fila coma lo vent : ensag ! Los partisans pican de las mans. Demòra d'encapar la trasformacion. Cal èsser saberut en cèrç e marin per tustar coma cal e mandar la pauma entre los pals.

Cinquen tengut, un tombat : la victòria es ara segura. " Avèm ganhat, avèm ganhat , avèm ganhat la botelha ! Avèm ganhat, avèm ganhat, avèm ganhat lo sopar ! "
 

Los jogaires

1 : l'arrièr ; 2 e 5 : los tres-quarts d'ala, los alièrs ; 3 e 4 : los tres-quarts centres, los centres ; 6 : lo mièg de dobertura, lo dobertura ; 7 : lo mièg de mesclada ; 8 e 10 : los pilars ; 9 : lo talonaire ; 11 e 12 los segondas linhas ; 13 : lo tresena linha ; 14, 15, 16 e 17 : los remplaçaires.
Un entraïnaire e un adobaire.
 

La marca

4 punts : un ensag
2 punts : una trasformacion e tanben una penalitat
1 punt : un tombat
Al campionat : 3 punts la victòria ; 2 punts : l'egalitat ; 1 punt : la desfaita.

* A cada partida de Carcassona XIII, a la Pepinièra, manquètz pas de legir la rubrica occitana dins Dropi, lo jornal de las Aglas de Ciutat.

 somari ?