AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- còdi postal

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- còdi postal

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- còdi postal

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- còdi postal

 

ostal.sirventes@wanadoo.fr

Tornar al somari general ?

 

AUDE,

TÈRRA D'ÒC

Somari

 

- calendièr d'activitats

- viva lo vin

- carnaval

- rugbí d'òc

- còdi postal

 

ostal.sirventes@wanadoo.fr

Tornar al somari general ?

 

La Fèsta del Pòrc... e del vin de Menerbés

a Puèg-eric, lo dimenge 11 de genièr de 2004

La fièra del pòrc e del Menerbés
Lo pòrc
Devinhòlas
Dires
Lo Freginat
Lo Milhàs

Lo pòrc

Per cridar los pòrcs :

* Gorrin ! Gorrin!
Gorrin ! Gorron !
* A sot ! a sot !
* Cocha ! cocha !
* Gòja ! Gòja !
* Bro ! bro !
* Bro ! bro ! tè ! tè !
* Cho ! Cho !
* Chò ! Chò !
* Hai ! Hai !
* Tèr ! tèr ! tèr
* So ! So !
* Ta ! ta ! ta !
* Tro ! tro ! tro !
* Bedid-bedidon !
 

Devinhòlas

Qu'es aquò ?

Qu'es aquò ?

1- Se manja, manjaràs
S'apatís, apatiràs
...

2 - Una glèisa escura ont tot s'escaudura
Lo monde menut e lo capelan bossut
...

3 - Totjorn tòrç l'endòrta
E jamai pòt estacar lo fagòt
...

Per las responsas, cal picar sus : ...

 4 - Pindolin pindolava,
Gingolin gingolava.
Pindolin tombèt,
Gingolin l'amassèt
...

5 - Bona-vista gaitava
Fosica fosigava
Randola randolava
E sens Bona-vista
Randola manjava Fosica
...

6 - Verduret de garrigol
Pòrta lo capèl sul cuol
...

7 - A lo ventre entre las doás aurelhas...

Dins un recanton le pus libre,
Penjat e dubèrt coma un libre,
Graissós, raspat, nut coma un vèrm
Le pòrc, fièr de sa carnsalada,
Serà rei de la taulejada,
Al pus grand repais de l'ivèrn.

Casemir Clòtas

La pus bèla fèsta de l'an

tornar ennaut ?

Dires :

- Rodar coma un pòrc malaut (errer)

- Un ostal sens pòrc, tot l'an es mòrt (pas de cochon, faim dans la maison)

- Pòrc pelut a pas res perdut (dans le cochon, tout est bon)

- Se tuar pas solament una mitat de pòrc (vivre dans la gêne)

- Los pòrcs s'engraissan pas amb d'aiga clara (toute entreprise nécessite des moyens)

- L'ase tractava lo pòrc d'aurelhut (la paille et la poutre)

- Pòrc o mossur, ne cal èsser de naissença (on ne peut oublier ses origines)

- Sembla un pòrc de mossur (personne mal à l'aise dans de beaux vêtements)

- Un pòrc ba diriá (c'est évident)

- Lo qu'a nòu pòrcs a la sal pòt esperar Carnaval (abondance de biens ne nuit pas)

- Val mai èsser gos tota sa vida que pòrc un an (mieux vaut une vie de chien qu'une année de cochon).

tornar ennaut ?
Lo Freginat
Lo Milhàs de grais

Lo sagnaire copa a l'endreit del sagnador de tròces de carn que van servir per far lo freginat qu'acompanharà las monjas per la fèsta del pòrc.
A la carn presa al còl, s'ajusta una talhada de fetge. Cal copar tot aquò en talhonets grands coma doás gravas de sucre pausadas l'una sus l'autra.
Cal far rossir aquela carn e lo fetge dins una cocòta de fonta e revirar amb un culhièr de bois, pro sovent.
Entre temps, picolar una ceba, dos o tres grans d'alh e los far rossir tanben. Susvelhar que la carn, la ceba e l'alh demòren rosses : los laissar pas rumar.
Quand tot es plan rossit dins lo chuc gras que la carn a donat, ajustar pro d'aiga cauda per que la carn pòsca se cuèire. Laissar bolhir a pichon fòc. Perfumar ambe tres o quatre rodèlas de citron e un branquet de ferigola. Salar e pebrar.
Quand la salsa es plan demesida e que la carn es còita, liar la salsa amb un parelh de mijòls d'uòus batuts dins un brave culherat de vinagre.
Quartonar sèt o uèit uòus bolhits e pelats, los pausar dessús. Es polit a l'uèlh e bon al cèl de la boca.
Servir en mème temps qu'una olada de monjas ont an cofit dos salsissòts dels magres de l'an passat.
Si per far davalar lo tot avètz un bon vin de darrèr los fagòts, veiretz que los convidats (los qu'an tenguda la pata del pòrc e los autres), cap farà pas la nhifa.

Ceselha Cuxac
Cosina del Quercòrb (CREO-Tolosa, 1985)

Aqueles porquetons son estats plan educats dins un site fòrt simpatic efait esprès pelis que se ditz pink pig page ; mercé a l'autor de los nos aver prestats.

Se volètz véser vòstra recèpta sus la “ tatiranha ”, mandatz-nos la e la comunicarem.

S'avètz encara talent, podètz anar véser lo site que parla de l'Academia Universala del Cassolet.

  1. Ma maire es en bas
  2. Que fa de milhàs
  3. Mon paire es en naut
  4. Que fa de vin caud

Quand lo pòrc èra adobat, los cambajons recaptats dins la salièra, los salsissòts penjats a la barra de la despensa, lo grais estuchat dins las botiòlas o los pòts graissièrs, los graissilhons salats e pebrats dins la cassòla de tèrra, òm se metiá en mesura de far lo milhàs de grais dins lo mème pairòl ont s'èran faits los graissilhons e lo salat, que s'èra pas refredit e qu'aviá pas besonh d'escurar.
Dejà la pèira refractària es davant lo pairòl per aparar los genolhs e las cambas de la calor del fòc.
Lo pairòl es als tres quarts plen d'aiga salada e quand aicesta ritz, dins lo palhasson de farina pausat al costat, a portada, sus una cadièra, prene, aprèp s'èstre senhada, un punhadon de farina de milh e la laissar tombar entre los dets de la man esquèrra, mentre qu'ambe la remenè
ra o remenadora la man dreita va, ven, vira e revira per descoquelar la farina dont vos caldrà un rusquet, aquò's a dire tres litres. Gitar atal tota la farina duscas a aver una pasta espessa. Lo pus gròs coquèl deu èsser al cap de la remenadora. Ajustar alavetz tres o quatre arpats de graissilhons, perfumar amb la raspadura d'un limon. Lo fòc deu èsser doç, lo milhàs deu bolhir doçament amb de bodoflas que venon se crebar a la susfàcia, remenar totjorn d'un moviment pus lent e regulièr per que s'estaque pas e se rume pas al fons del pairòl.
Quand lo milhàs s'es plan espessit, i ajustar un chic d'aiga cauda, dos o tres còps. Al cap d'una orada, lo milhàs es cuèit ; cal far una flambada per que se destaque coma cal e lo voidar sus una taula cobèrta d'una napa d'ostal salpodrada de farina. Pèi lo cal far corre sus la taula en caplevant aicesta un còp d'una part, un còp de l'autra per que lo milhàs siá fin e egal al mièg coma suls bòrds.
Cinc minutas aprèp, se pòt entemenar e se manjar fresc amb una salsa o una confitura.
Mentrestant, un gormand cura lo pairòl e lèva la pèl qu'es una gormandisa per los qu'an las dents. L'endeman e los jorns que siègon, es bon rostit sus la grilha al brasàs o rossit a la padena e salpodrat de sucre tris.

Ceselha Cuxac
Cosina del Quercòrb (CREO-Tolosa, 1985)

Responsas

1- Lo pòrc ; 2 - Las mongetas dins l'ola amb un salsissòt ; 3 - La coga del pòrc ; 4 - L'agland e lo pòrc. 5 - Lo gos, lo pòrc e lo lop ; 6 - L'agland ; 7 - la topina de graissa, lo pòt graissièr...

somari ?