AUDE, TÈRRA D'ÒC Somari   - calendièr d'activitats - carnaval - rugbí d'òc - la fèsta del pòrc - còdi postal e la mapa d'Aude en occitan   ostal.sirventes@wanadoo.fr Tornar al somari general ?   AUDE, TÈRRA D'ÒC Somari  - calendièr d'activitats - carnaval - rugbí d'òc - la fèsta del pòrc - còdi postal    ostal.sirventes@wanadoo.fr Tornar al somari general ?   AUDE, TÈRRA D'ÒC Somari  - calendièr d'activitats - carnaval - rugbí d'òc - la fèsta del pòrc - còdi postal  ostal.sirventes@wanadoo.fr Tornar al somari general ?   AUDE, TÈRRA D'ÒC Somari   - calendièr d'activitats - carnaval - rugbí d'òc - la fèsta del pòrc - còdi postal ostal.sirventes@wanadoo.fr Tornar al somari general ?   AUDE, TÈRRA D'ÒC Somari   - calendièr d'activitats - carnaval - rugbí d'òc - la fèsta del pòrc - còdi postal   ostal.sirventes@wanadoo.fr Tornar al somari general ?

Viva lo Vin ! Los vins d'Aude De legir Per dire De beure Rendètz-vos Beguem ! Trinquem ! Que nòstre veire se rampligue ! Trinquem ! Beguem ! Que nòstre veire s'escorrigue ! Un còp de vin dona de sang. Pintatz-ne donc, me podètz creire. E de bon vinòt roge o blanc, Amics, comolatz vòstre veire. Paul Albarèl (Viva lo vin !) Los vins d'Aude, aquò òc ! País d'Aude, tant de terradors coma de solelh, tant solelh coma de vin. Aquí-los dins vòstres veires : FITÓ, calorós, amb l'accent fruchós de la granacha : carpenta solida, color densa amb un nas de violeta e de romanin. CABARDÉS, carnut e redond, tot en finessa, un vin de grand avenidor que ven de venir AOC. CORBIÈRAS, ambe sos onze terradors, aufrís una riquessa granda de colors e d'aròmas : de tucs grands que sabon exprimir la tipicitat de sas originas. MALAPÈIRA, de la flaira intensa e madura ambe de nuanças de fruchas pichonas : la mirgalhadura de las sensacions. MENERBÉS, reconescut coma lo vinhièr d'Euròpa lo mai vièlh : roges fresques e elegants, rosats caloroses e blancs d'una complexitat rara. LO CREMANT DE LIMÓS, fresc, raçat, de la flaira tipica de flors blancas, d'albespin, de cabrifuèlh, dins lo peloton de cap dels burbulhejants franceses. CLAPA e QUATORZE, roges poissents e saboroses, blancs originals fòrça elegants. MUSCAT DE RIVASALTAS e RIVASALTAS, vins doces naturals, mofles e saboroses, amb una rauba que va del porporenc al rubís fonçat, ambe d'aròmas plan complèxes de fruchas secas, agibits e fruchas exoticas. Al costat d'aqueles grands senhors, los VINS DE PAÍS D'AUDE balhan auèi una nòta plan originala que respon a las exigéncias del consomator modèrne : vins leugièrs, fruchencs, amistoses, que daissan rajar dins lor veire, en identitat, lor cepatge e lor terrador. tornar ennaut ? De legir : Ives Roqueta : De la vinha, del vin e dels òmes Una istòria comuna que comença amb la fuèlha de vinha d'Adam e la primièra ganarra de Noë. E puèi : lo vin dels grècs, la vinha dels romans, dels reis, dels avesques, ... ; Domician e 1907 ; l'oïdium e lo mildió ; lo filoxerà e lo vinhal de massa ; los temps de subreproduccion e las epòcas ont lo vin foguèt d'aur... Un libre que vos balharà lo gost del beure e de plan beure. IEO, Descobèrtas, 196 p, 100 F Felip Cosinièr : La lenga de la vinha e del vin La cultura de la vinha a balhat un lexic fòrt ric. Felip Cosinièr fa present de 1600 mots, de centenats de citacions, de ficas de tasta,... en tres partidas : un vocabulari occitan representatiu de la tradicion orala, un lexic francés-occitan amb los mots recents, una tièra d'expressions popularas. A la bona vòstra... IEO, Descobèrtas, 144 p, 100 F Paul Albarèl : Viva lo vin ! Una farcejada en un acte, escrita en 1904. Una polemica entre Pòteissut (pintaire de vin), Vinpur (medecin dal vin), Aigatiu (medecin de l'aiga) e Barrejat (medecin) : L'aiga val pas lo vin ! IEO, Vendémias, 28 p, 30 F Leon Còrdas : Sèt pans Un imne a la vinha e als vinhairons, tot l'èime del vin. Un cap-d'òbra dins una lenga rica. De descobrir o de tornar descobrir. IEO-A Tots, n° 25, 45 F Cristian Laus : Garriguenc Annadas 70. Fin d'una epòca... Debuta d'un temps novèl ? Roman, IEO-A Tots, n° , 80 F tornar ennaut ? Per dire... Après la sopa, un còp de vin rauba un escut al medecin. De pan e de vin, lo rei pòt venir. Lo que beu tròp de vin non fa jamai pont ni molin. A mal de còr, òli de soca. La tisana de gavèls fa cantar coma un ausèl. Si l'alfabet èra de vin, tot lo monde sauriá legir. tornar ennaut ? De beure... A l'escasença de las Ampelofoliás de Cabardés, l'I.E.O.-Aude a realizat unas tinadas especialas de cantinas etiquetadas en òc : 1996 : Vin de la Loba, del Domèni Lopià a Puèg-nautièr. 1997 : La Tisana de gavèls, del castèl de la Ventalhòla, cò de Robèrt e Maria-Clàudia Curbières a Ventenac de Cabardés. 1998 : Lo Vin del Joglar, del Castèl Jouclary del GAEC Gianesini a Concas d'Orbièl. Lo Vin de la Loba etiqueta de Caròla Cadet    somari ?