Una setmana UTC

Las resultas :
- dimècres (amical) : UTC-London Broncos : 28-24

- dimenjada (campionat) : Lion-Limós : 8-42 ; ASC-Pià : 16-40 ; UTC-Vilafranca : 70-0 ; St-Gaudenç-Lesinhan : 56-27 ; Vilanòva-Tolosa : 14-30.

Lo classament :
1) UTC : 18 punts ; 2) Limós : 16 punts ; 3) Tolosa : 15 punts ; 4) St-Gaudenç : 13 punts ; 5) Lesinhan : 12 punts ; 6) , Vilanòva : 11 punts ; 7) Pià : 10 punts ; 8) Carcassona, Vilafranca : 9 punts ; 10) Lion : 6 punts.

En tres passas :

- Pas a Giral : la finala del campionat se farà pas a Giral que la Comuna a anonciat a la Federacion que l'estadi seriá tampat a aquel moment per tornar faire la pelena !!!

- Un entrainaire pel XIII de França : Se ditz que lo Mick Aldous a prepausat lo nom de.... Gèli Dumàs per entrainar l'equipa de França. Danièl Divet lo deuriá ajudar dins aquela tasca. S'espèra la confirmacion de la Federacion.

- Marselha en Elita : d'aquò e de maitas causas se'n parlarà a Marselha aqueste dimècres 25 a l'acamp dels clubs d'Elita e de la Federacion. S'i tiraràn tanben los 1/4 de finala de la Copa.

- A la ràdio : Sud-Radiò fa lo punt sul XIII lo dimars en serada (entre 20h e 21h). L'emission del dissabte de matin sus Ràdio-Marselheta : Rugby League, es difusida de 10 h a miègjorn ! Lo president de Montpelhièr XIII tendrà una cronica sus las ondas de ràdio-Lenga d'Òc.

La partida : Los còps de pè de l'ase

Pià se deviá faire perdonar lo carton pres a Limós e Carcassona confirmar son melhor estat aprèp lo partatge de punts amb los Campions.

A pro pena, los jaunes demorèron 35 minutas dins la partida. Tornèron dos còps a la marca. Mas l'enveja e lo vam èran del costat catalan, menat de man de mèstre per un Gressèque de primièra borra, e tres ensages en cinc minutas a la fin de las 40 primièras minutas pleguèron definitivament la partida.

La segonda pausa se joguèt atal-atal : e a doas mica-macas gressequianas respondèt (enfins !) un ensag collectiu (e òc !) dels locals : per l'onor ? Es atal que ditz la formula, mas l'onor demandariá de s'arrancar un pauc mai e sortir d'aquela sembla-sòm que sembla senhorejar pel cap, pels braces e per las cambas de las Aglas-canaris- formiguetas !

Pendent la setmana : al regime catalan per se reviscolar dimenge al Molin ??? Pas simple de sosténer los jaunes ongan !

Lo comentari : Desequilibri

Dimècres, l'UTC ganhèt sa partida amicala contra los London Broncos. Los paures lops de Roèrgue an pas lo meteis vam que la formacion de Super-League e tornèron partir de Catalonha amb 70 punts al fons de la saqueta. Cap de dificultats per Tolosa, Limós e St-Gaudenç fàcia a Vilanòva, Lion e Lesinhan. Per sa part, Carcassona arriba pas a se lançar dins aquel campionat e l'ora ven de mai en mai tardièra...

La dimenjada venenta :
- divendres : Tolosa-St-Gaudenç
- dissabte : Lion-UTC
- dimenge : FCL-ASC ; Pià-Vilanòva ; Vilafranca-Limós olosa, Limós e St-Gaudenç fàcia a Vilanòva, Lion e Lesinhan. Per sa part, Carcassona arriba pas a se lançar dins aquel campionat e l'ora ven de mai en mai tardièra....

Sus Internet :

- Lo site novèl de l'ASC XIII

Tornar a las Rubricas ?
Tornar al somari ?
Tornar a l'index ?