10ena jornada : Pià a la nhaca

Las resultas :
ASC-Vilafranca : 36-26 ; Lesinhan-UTC : 16-54 ; Vilanòva-Limós : 16-14 ; Pià-Tolosa : 37-10 ; St-Gaudenç-Lion : remés.

Lo classament :
1) UTC : 27 punts (9 partidas) ; 2) Tolosa : 22 punts (9) ; 3) Pià : 22 punts (10) ; 4) Limós : 19 punts (9) ; 5) Carcassona 19 punts (10) ; Vilanòva : 16 punts (9) ; 7) St-Gaudenç : 17 punts (8) ; 8) Lesinhan : 16 punts (10) ; 9) Vilafranca : 14 punts (9) ; 10) Lion : 8 punts (8)

En tres passas :
- Finala : Novèl cambiament ! La Finala de la Copa es ara programada pel dissabte 14 de mai (19h) a Carcassona.

- Videò : Aprèp la partida contra Tolosa, un còp de punh non vist per l'arbitre e lo delegat empachèt pas de sanccionar lo David Ferriòl de Limós. E òc : jogaires, doblidètz pas que l'uèlh de la videò vos gaita !

Lo comentari :
Amb una novèla partida remesa, la nèu complica lo calendièr, lo classament es en trompa-l'uèlh, amb las 2 partidas de retard del Campion. D'aquel temps, l'UTC contunha son camin sens pietat e Carcassona se mòstra en progrès leugièr : atal, Lesinhan e Vilafranca pèrdon pichon a pichon pè. Vilanòva ramosa tota sa valentisa per faire plegar una equipa de Limós indisciplinada. La confrontacion entre los dalfins vira a l'avantatge de Pià.

La dimenjada venenta :

- dissabte : UTC-ASC

- dimenge : Limós-St-Gaudenç, Lion-Vilanòva, Vilafranca-Pià

- diluns : Tolosa-Lesinhan

Sus Internet : - Lo site novèl de l'ASC XIII

La partida : Bona volontat

La victòria de l'ASC enlèva pas totes los dobtes sus las capacitats de l'equipa. Se l'ataca menèt movements de tria e marquèt 6 ensages, la defensa demòra bravament elastica e permetèt als Roergasses de marcar 5 ensages e demorar dins la partida. De notar, la dintrada tonica de Sebastian Azema e la partida de Banquet a l'encòp arrièr, alièr e mièg de dobertura ! L'equipa manca d'estabilitat e d'automatisme amb, ièr, un Constans mièg de dobertura (al mens sul papièr) : aquò fasiá una novèla trilogia 6-7-13 que serà sens l'endeman ! Dissabte que ven a St-Esteve, fàcia a l'UTC, caldrà montar d'un nivèl, se que non...

Tornar a las Rubricas ?
Tornar al somari ?
Tornar a l'index ?