Los jòcs son faits

Las resultas :
Tolosa-St-Gaudenç : 12-48 ; Pià-Limós : 20-42 ; Vilafranca-Lesinhan : 36-22 ; UTC-Vilanòva : 58-4

Lo classament :
1) UTC : 48 punts (16 partidas) ; 2) Limós, 39 punts (16) ; 3) Tolosa : 38 punts (15) ; 4) Pià, : 34 punts (16) ; 5) St-Gaudenç : 33 punts (16) ; 6) Vilanòva 31 punts (16) ; 7) Carcassona 29 punts (16) ; 8) Vilafranca : 23 punts (16) ; 9) Lesinhan : 21 punts (16) ; 10) Lion : 15 punts (15)

Lo comentari :
Las quatre primièras plaças (e lo primièr grope de las pelhòfas), seràn per l'UTC, Limós, Tolosa e Pià. La segonda fasa valdrà solament per l'indecision per la 6ena e darrièra plaça qualificativa a se disputar entre Vilanòva e Carcassona : aquí l'importància del rescontre de dissabte que los punts de la primièra fasa comptaràn per la seguida.

La dimenjada venenta :

- en Cup : divendres : Leeds Rhinos-Ases de Pià ; Combatents de Wigan-Catalans de l'UTC ; dissabte (15h30) : Tolosa-Dracs de Doncaster.

- campionat : Vilanòva-Carcassona (dissabte 7, 20h) ; Vilafranca-Lion (dimenge 8, 15h30), St-Gaudenç-UTC (dimècres 11, 20 h)...

Sus Internet : - Lo site novèl de l'ASC XIII

En tres passas :
- Cent ans : Illa de Tet celebra los 100 ans de la naissença de Joan Galià aqueste dimècres 4 de mai. Aquò es plan, mas domatge que se siague pas balhat mai d'ample per saludar la memòria d'aquel que faguèt espelir lo XIII en Occitania e Catalonha.
- Desfacha : los juniòrs Blaus se son faits batre pels angleses de la BARLA, aqueste dissabte a Vilanòva : 20-14.
- Rescontre internacional : Aqueste divendres 6 de mai, a 19h, la seleccion de Federala dels Seniòrs de la Liga Lengadòc-Rosselhon rescontrarà a St-Laurenç de la Salanca l'equipa de la West Yorkshire Police. Cossí jogar contra una formacion de tretze tipes qu'arrestan pas de fiular !!!
- Sus la tòca : Lo Racing de Narbona ven de dire que Laurenç Ferrères èra liure : alara, perseguida a XV o retorn a XIII ?
- Darrièra e abans-darrièra : Lo grand jòc del calendièr contunha. Ensajatz de vos i tornar trapar : partidas de la darrièra jornada se jogaràn abans partidas de l'abans-darrièra (o a la revèrsa ?) Sens parlar de la (bona) idèia de faire jogar Limós-UTC aprèp (e non abans) la finala de la Copa !!! Enfins, un jorn, s'arribarà a la Finala, mas ont ? La question demòra per l'ora sens responsa !

Tornar a las Rubricas ?
Tornar al somari ?
Tornar a l'index ?