En rota per las pelhòfas !

Las resultas :

Limós-UTC : 18-28, Lion-Tolosa : 18-48 ; Lesinhan-Pià : 18-46
Lo classament :

1) UTC : 53 punts (18 partidas) ; 2) Tolosa : 47 punts (18) ; 3) Limós, 41 punts (18) ; 3) ; 4) Pià : 40 punts (18) ; 5) St-Gaudenç, Vilanòva 36 punts (18) ; 7) Carcassona 31 punts (18) ; 8) Vilafranca : 27 punts (18) ; 9) Lesinhan : 23 punts (18) ; 10) Lion : 19 punts (18)

La partida : La formula ganhanta

Amai i agèsse pas l'enjòc d'una finala e amb d'equipas modificadas, lo rescontre entre Limós e Catalans seguiguèt lo meteis camin que lo debanament del dissabte d'abans.
De segur, la calor es arribada e los portaires d'aiga agèron fòrça corsas de faire e cantinas de voidar ! La partida s'entamenèt sus un ritme fals, Limós prenguèt mai d'iniciativas e l'UTC faguèt mai de fautas.
La primièra part foguèt equilibrada e Limós dominèt sus la fin per dintrar se refrejar a l'ombra dels vestiaris sus un 6-6.
A la represa, doas acceleracions e una intercepcion catalanas portèron lèu-fait plan-fait la marca a un 22-6 consistent. Sus la fin, Miquèl Murcià marquèt dos còps per un planchòt final tranquilon de 28-18 per l'UTC.
Una partida agradiva e que se tornarà véser encara long de las pelhòfas. !

Lo comentari :
Los jòcs son (enfins) faits ! Aqueste dissabte, caliá pas marcar 18 punts se que non se perdiá la partida !
Lo primièr grope (UTC, Tolosa, Limós, Pià) valdrà per la disputa de la tresena plaça entre Limós e Pià.
Dins lo segond grope (St-Gaudenç, Vilanòva, ASC e Vilafranca), lo campion ensajarà de se tornar faire una santat abans la fasa eliminatòria e de saupre se l'ASC a las possibilitats de ratrapar son retard.
A Lesinhan e Lion de se faire un moral novèl en èsser segurs de pas pèrdre cada dimenge d'aicí novembre o decembre !

Lo calendièr :

Segonda fasa. Las equipas gardan los punts de la primièra fasa, mas se marca 4 pts per una victòria, 2 per una egalitat e res per una desfacha. Los dos primièrs de la pola A en mièja-finala. Lo tresen e quatren de la pola A en barratge contra los dos primièrs de la pola B.

- Pola A :

- 1èra jornada (4 al 6 de junh) : Tolosa-Limós, Pià-UTC
- 2nda jornada (11-12/6) : Pià-Tolosa, Limós-UTC
- 3ena jornada (18-19/6) : Tolosa-UTC, Pià-Limós
- 4ena jornada (25-26 e 30/6) : Limós-Pià, UTC-Tolosa (lo 30/6)
- 5ena jornada (2-3/7) : Tolosa-Pià, UTC-Limós
- 6ena jornada (9-10/7) : Limós-Tolosa, UTC-Pià
- Pola B :

- 1èra jornada (3 al 5 de junh) : St-Gaudenç-Vilafranca, Vilanòva-ASC
- 2nda jornada (11-12/6) : ASC-Vilafranca, Vilanòva-St-Gaudenç
- 3ena jornada (18-19/6) : ASC-St-Gaudenç, Vilafranca-Vilanòva
- 4ena jornada (25-26 /6) : St-Gaudenç-Vilanòva, Vilafranca-ASC
- 5ena jornada (2-3/7) : St-Gaudenç-ASC, Vilanòva-Vilafranca
- 6ena jornada (9=10/7) : Vilafranca-st-Gaudenç, AC-Vilanòva

Autras resultas :

- Campions :

Salses en DN2 (36-20 contra los Batalhièrs de Pià) ; Ornasons (28-11) contra Cavalhon al tèrme d'una aprtida arrestada abans la fin en rason d'un festenal de carpans (ne sortirem pas !) ; Ramonvila (16-14), ganhaire d'Apt en promocion. La finala de DN1 opausarà Marselha e Carpentràs aqueste dimenge 5 de junh a Avinhon.

- Joves : Las mièja-finalas dels juniòrs entre ASC e St-Gaudenç d'una part, e Limós e UTC per l'autra. Cap a una finala audenca ?

- Estats d'origina : La tèrra de la Reina (Queensland, en fr.) se ganha la primièra confrontacion de l'an 24-20 dins de prolongacions a la mòrt-subrana contra las Galas Novèlas de Sud.

Sus Internet : - Lo site novèl de l'ASC XIII

Tornar a las Rubricas ?
Tornar al somari ?
Tornar a l'index ?