Dobèrt cada jorn !

Las resultas :

- Pola A : Pià-UTC : 18-28 ; Tolosa- Limós : 44-12

- Pola B : St-Gaudenç-Vilafranca : 22-10 ; Vilanòva-ASC : 37-12

 

Los classaments :

- Pola A : 1) UTC : 57 punts (19 partidas) ; 2) Tolosa : 51 punts (19) ; 3) Limós, 41 punts (19) ; 3) ; 4) Pià : 40 punts (19)

- Pola B : 1) Vilanòva 41 punts (19) ; 2) St-Gaudenç, 40 punts (19) ; 3) Carcassona 31 punts (19) ; 8) Vilafranca : 27 punts (19)

En tres passas :
- Campions : Marselha es campion de Nacionala 1 aprèp una victòria 12-10 sus Carpentràs a Avinhon. Nostalgia, nostalgia : Marselha, Carpentràs, Avinhon.. E avenir ? Marselha en Elita l'an que ven ?

- Finala : Entre l'ASC (ganhaira de l'UTC 18-18 als ensags) e St-Gaudenç (que bat Limós 28=14) per èsser campions del juniòrs aqueste dissabte 11 a Tolosa.

- Engana : Òm se soven que la municipalitat de Perpinhan refusèt la finala lo 6 d'agost jol pretèxte que la pelena de Giral deviá poder tornar verdejar. Mas lo 6 d'agost a l'ora de la finala dels XIII a Narbona, aquí qu'es programat un rescontre amical USAP-Sale a ... Giral ! Qunis pretèxtes van trapar quand l'UTC voldrà jogar sas partidas de super-League dins aquel estadi ?

Lo comentari :

Quatre partidas sus quatre jorns... e es pas acabat. Vilanòva jogarà aquesta dimenjada a Bordèus, UTC-Limós se passarà a Figueres : patin-patan, lo campionat avança.
Pià resistís 70 minutas a l'UTC, mas fin finala : coma de costuma ! En ganhant un tresen còp contra Limós, Tolosa s'escapa cap a la qualificacion dirècta per las mièja-finalas.
En pola B, los jòcs son quasiment faits per las doas plaças qualificativas levat un viatge rapide e eficaç e suls ginolhs (mas d'unis son nafrats al ginolh !) de tota l'equipa de l'ASC a Lordas o a Nòstra-Dòna de Marcelha !

De jogar :

- Pola A : Limós-UTC (dissabte 11, 19h) ; Pià-Tolosa (dissabte 11, 20h)

- Pola B : Vilafranca-ASC (dissabte, 20 h) ; Vilanòva-st-Gaudenç (dimenge 12, 15h)

Sus Internet : - Lo site novèl de l'ASC XIII

Tornar a las Rubricas ?
Tornar al somari ?
Tornar a l'index ?