M'anatz pas creire...

Las resultas :
Cup : Tolosa-Widness : 40-24

Campionat :
- 22ena jornada
- pola A : Pià-Limós : 42-20 ; UTC-Tolosa : 78-6
- pola B : Carcassona-Vilafranca : 62-3 ; St-Gaudenç-Vilanòva : 28-36

- 23ena jornada :
- pola A : UTC-Limós (a Figueras) : 42-10 ; Pià-Tolosa : 24-37
- pola B : St-Gaudenç-Carcassona : 20-52 ; Vilanòva-Vilafranca : 54-11

Los classaments :
- Pola A : 1) UTC : 73 punts (23 partidas) ; 2) Tolosa : 55 punts (23) ; 3) Pià : 48 punts (23) ; 4) Limós, 45 punts (23).

- Pola B : 1) Vilanòva 57 punts (23) ; 2) Carcassona 47 punts (23) ; 3) St-Gaudenç, 40 punts (23) ; 4) Vilafranca : 27 punts (23)

En tres passas :

- L'entrainaire del XIII de França d'aicí la Copa del Monde de 2008 serà l'Australian John Monie qu'entrainèt ja Wigan, Paramatta e New-Zealand Warriors.

- Al programa del XIII de França : recepcion de Georgia o Serbia (15 o 16/10), viatge en Anglatèrra (22 o 23/10), recepcion de Russia (29 o 30/10), se ne vira finala de la Copa d'Euròpa (5 o 6/11), recepcion d'Australia (11, 12 o 13/11) e de Novèla-Zelanda ( 18, 19 o 20/11).

- DN1 : L'an que ven, Cavalhon e Bèglas jogaràn lo Campionat de DN1. S'espèra la decision per l'inscripcion de Marselha en Elita.

Lo comentari :

E òc, m'anatz pas creire mas :

- e de una, Tolosa se qualifiquèt per las mièja-finalas de la Cup. Los paures Vikings de Widness se trapèron fàcia a una equipa valenta que jamai pus, solidària, que plaquèt, plaquèt e replaquèt e que sasiguèt totas las bonas paumas per prene l'avantatge a la marca. L'opcion buòu mecanic marchèt pas e los Tolzans demorèron mèstres de l'afar tot lo long de la partida. Ara, un brave talhon los espèra en mièja-finala lo 31 venent : Leeds !

- e de doas, lo miracle s'es produsit ! Carcassona se qualifica pels barratges en ganhant la partida en tèrra de Comengés. Doncas, òsca pels valents joves e reservistas qu'an balhat un èime a tota la formacion en aquesta fin de sason per faire un jaune un pauc mai daurat e lagrèmas per St-Gaudenç : una eliminacion que marca mal per un campion en titre mas quicòm virava pas ovale ongan del costat dels Orses pirenencs.

Una sola question demòra pausada amb la darrièra jornada : qual serà tresen e qual serà quatren de la pola A ?Lo jòc es dobèrt entre Limós e Pià. Autrament, UTC e Tolosa son en mièja-finalas e Vilanòva (contra lo 4en de la pola A) e l'ASC (contra lo 3en) en barratge. Pià-ASC o Limós-ASC, la dimenjada del 17 ?

A venir :

- Mièja-finalas : Las mèja-finalas de la Cup se debanaràn a Huddersfield : St-Helens contra Hull FC lo dissabte 30 de julh e Tolosa-Leeds lo dimenge 31 (14h45, ora occitana)

- Mièja-finalas : Vista la qualificacion de Tolosa en Cup, se parla de jogar las mièja-finalas del campionat sus una sola partida lo 24/7.

- Universitari : L'equipa de França universitària es a disputar la Copa del Monde en Australia.

Sus Internet : - Lo site novèl de l'ASC XIII

Tornar a las Rubricas ?
Tornar al somari ?
Tornar a l'index ?