Demonstracion catalana

Las resultas :

- Dissabte 6 d'agost, a Narbona, Egassieral, Estadi dels Espòrts e de l'Amistat, dabans 6 500 espectators, l'UTC ganha 66-16 (36-6, a la pausa) la finala del Campionat de França d'Elita fàcia al Tolosa Olimpic.

Las equipas :

- UTC : Guigue ; J. Murphy, Bockerstaff, Sadaoui, Vergès ; Fraissinós, Rinaldi (cap) ; Rudder ; Jampy, Fakir ; Gagliazzo, Berthezène, Beattie ; Fellous, Touxagas, Mounis, Hall.

- TO : S. Murphy ; Janzac, Couturier, F. Estebanez, Lima ; Mulhall, Wynne (cap) ; Viala ; Raguin, Delpotz ; Gallagher, Gay, N. Faure ; Prizzon, Vincent, Frayssinet, Almuzara.

Arbitre : T. Alibèrt.

La marca :

UTC : 11 ensags per Vergès (10, 36), Jampy (17), J. Murphy (24), Sadaoui (28, 39), Rudder (55, 59, 69), Fakir (66) ; 11 trasformacions de Laurenç Fraissinós.

TO : 3 ensages per Couturier (5), Vincent (45), Lima (49) ; 2 trasformacions de Couturier (5,45).

En tres passas :

- La represa : Lo campionat reprendrà la primièra dimenjada de novembre amb 12 formacions. Lo calendièr de la sason es ja fait e se pòt legir dins una cronica especiala que seguirà aqueste rendut-compte de la finala.

- Val mai tard... : Difusit dins Stade-2 d'aqueste dimenge 7 d'agost un reportatge sul XIII, sus la finala de... la Copa de França del mes de mai ! Lo XIII es d'una actualitat cremadoira...

- Cup : La finala de la Cup Leeds-Hull se jogarà al Millenium de Cardiff lo dissabte 27 d'agost; rendètz-vos de preveire a l'Ostalon de Limós per seguir la partida suls ecrans de la BBC.

- Los quaranta :
Aquí los 40 jogaires apelats en estagi a la mitat de setembre per formar las equipas de França A (que jogarà lo Tornèg Europèu, contra Novèla-Zelanda e Australia) e França A (que rescontrarà la BARLA e los mens de 21 ans d'Australia) : BORLIN (Sant-Gaudenç) - GUISSET (Wigan) - FERRIOL (Limós) - CASTY (U.T.C) - FAKIR (UTC) - ELIMA (Wakefield) - RAGUIN (Tolosa) - MOUNIS (UTC) - CARRASCO (Vilanòva) - BERTHEZENE (UTC) - GAY (Tolosa) - RINALDI (UTC) - GRESEQUE (Pià) - SADDAOUI (UTC) - COUTURIER (Tolosa) - HERMET (Vilanòva) - ZITTER (Anglatèrra) - GUIGUE (UTC) - VAN SNICK (Vilanòva) - TOUXAGAS (UTC) - FAURE (Tolosa) - DELPOUX (Toulouse) - JORIS (Marselha) - VIALA (Tolosa) - BANSEPT (Pià) - BAILE (Carcassona) &endash; MAHFOUDI (Lesinhan) - MAYANS Mathieu (Limós) - MURCIA (Limós) - MOLY (Carcassona) - TIQUET (Pià) - ESTEBANEZ (Tolosa) - ALMUZARA (Toulouse) DUPORT (Limós) - CHARLES(Vilanòva) - CAGNAC (Lesinhan) &endash; ALMARCHA (Limós) - BOSC (UTC) -COLOGNI(UTC) - FELLOUS (UTC)

Lo comentari : Tròp fòrts, los Catalans !

Los Occitans avián somiat aprèp lo supèrbe mes de julhet del TO. Se qualqu'un podiá arribar a batre los Catalans ongan, aquò seriá plan Tolosa !

E ben, òc : Tolosa dobriguèt la marca d'aquela finala agostenca. Mas, apuèi : las fautas de man se multipliquèron, la defensa daissèt quauques traucs e los Catalans ne profitèron per prene l'avantatge : una pauma perduda mena al primièr ensag de Vergès, una penalitat rapidament jogada al segond ensag de Jampy, una passa d'Òme-Nadal blau e blanc a l'alièr J. Murphy al tresen ensag. Vint e cinc minutas de jòc e la diferéncia èra faita : 24-6. Mas èra pas acabat : Sadaoui èra al tèrme d'una escapada entamenada per Murphy dins sos 20 mètres. Tolosa èra fòra la partida e preniá encara dos ensages abans la còrna : 36-6. Cada ensag valiá 6 punts que Fraissinós passèt la serada a enquilhar las trasformacions jos totes los angles.

A la represa, Tolosa ramosèt l'èime que li demorava per ensajar de faire quicòm d'onèste e capitèt de marcar dos ensages en dètz minutas per tornar a 36-16. Aquí, la maquina catalana se tornèt metre en marcha e emportèt tot sus son passatge. L'UTC èra en demonstracion d'un saupre-faire ofensiu que se concretizèt per 5 ensages de mai (3 pel sol Rudder). Tot i passèt, una vertadièra leiçon de rugbí en revision de la gamma ofensiva : pichon còp de pè a seguir, escapada al ras del tengut, percussion d'avants, passa laterala al pè,...

Lo bloquièr prenguèt doncas lo camin del Castilhet sus una marca istorica e catalanizada de 66 punts a 16. La formacion catalana a atal las basas per faire quicòm d'interessant en Super-League. E caldrà tornarmai comptar amb Tolosa, qu'a ja anonciat la signatura de Silvan Houlès, dins lo campionat de França venent.

A la dintrada : Rendètz-vos en octòbre pels primièrs rescontres internacionals e la preparacion de la sason 2005-2006 !

Internet : L'actualitat del XIII sus :

- www.rugbytreize.com

- www.eliterugby.com

- www.ffr13.com

e tanben : - Lo site novèl de l'ASC XIII

Volètz tot saber sul CAMPIONAT 2005-2006 ? Clicatz !

Tornar a las Rubricas ?
Tornar al somari ?
Tornar a l'index ?