3ena jornada : Encara tres a tres victòrias !

Las resultas :
Tolosa-Vilafranca : 52-12 ; Limós-ASC 16-6 ; Vilanòva-St-Gaudenç : 26-12 ; Lion-Lesinhan : 14-7 ; Pià-UTC : 20-36.

Lo classament :
1) UTC, Tolosa, Limós : 9 punts ; 4) Vilanòva : 7 punts ; 5) St-Gaudenç, Pià, Vilafranca, Lesinhan : 5 punts ; 9) Carcassona, Lion : 3 punts.

En tres passas :

- Bessonatge : Lo XV d'Anglatèrra programa una setmana d'entrainament en comun amb la formacion de XIII de Super-League de Leeds. En mai d'aver d'espinas, la Ròsa aurà tanben ongan banas de rinoceròs !

La partida : Limós dança Carnaval moderato !

Bravament de monde aqueste dimenge dins las tribunas de l'Agulha per assistir a la partida Limós-Carcassona. Ploguèt, nevèt : pas las condicions idealas per desvolopar un jòc de tria e las paumas tombadas foguèron nombrosas. Se los jaunes capitèron de dobrir la marca per Expèrt dins un estile d'anguiala, en doas minutas los locals rebequèron per dos ensages e s'anèron recalfar dins los vestiaris amb dos punts d'avança (8-6).

Dins la segonda part, Limós ajustèt una penalitat e un ensag transformat a la marca sens que Carcassona, de bona volontat mas sens ritme, capitèsse a contestar la victòria dels Roges e Negres.

Fin finala, una partida seriosa, que li manquèt una beluga per ne faire un derby a servar dins las memòrias e un pauc de calor e d'escasenças de s'enflamar per pas se jalar las mans e los pès (pels espectators).

Lo comentari :
Ongan, pas de present de Nadal de l'UTC pel vesin pianenc. Tolosa despassa los 50 punts fàcia a una formacion roergata qu'a de mal en desplaçament. Victòria logica de Limós sus Carcassona qu'a dificultats de prene lo ritme de la competicion. Vilanòva fa la pròba bèla que caldrà comptar amb aquela còlha en recomposicion. Lo campion, el, fa pas per l'ora onor a son reng. Primièra victòria de Lesinhan dins una partida sarrada a Lion.

Dimenge, per entamenar 2005, duèls en cap de campionat amb UTC-Tolosa e en coga amb ASC-Lion.

La dimenjada venenta :

UTC-Tolosa ; Lesinhan-Limós ; ASC-Lion.

Sus Internet :

- Lo site novèl de l'ASC XIII

Tornar a las Rubricas ?
Tornar al somari ?
Tornar a l'index ?