Sèt gròsses e un pichon

Las resultas :
(1/8en de finala de la Copa de França)

Salses-Lion : 45-6 ; ASC-St-Gaudenç : 12-16 ; UTC-Pià : 17-16 ; Albi-Lesinhan : 22-43 ; Palau-Vilanòva : 10-32 ; Santa-Liurada-Limós : 10-44 ; Carpentràs-Vilafranca : 14-24 ; Aspet-Tolosa : 12-52.

La partida : Sufís pas d'èsser valents...

Encara una desfacha per Carcassona e sus sa pelena demai. La Copa es estada corta ongan, mas la partida intensa fàcia als Orses de St-Gaudenç. Los jaunes dominèron, mas amb quauquas acceleracions los Pirenencs saupèron faire la diferéncia en marcant tres ensags dins las quaranta primièras minutas. Carcassona repliquèt per l'ensag de Letele : 16-6 a la pausa, mas dos jogaires nafrats : l'Azema e lo Faure. Los locals marquèron per Boisset e tornèron a 16-12, defendèron la linha, ataquèron, ataquèron, ataquèron... mas manquèt totjorn un pichon daquòs e los còps de fiulets de l'arbitre copèron las alas dels Canarís (caldrà que los fiuletaires se metesson clarament d'acòrdi sul descompte dels tenguts e la remesa a zerò, per exemple).

Anem, anirà melhor dimenge que ven en campionat, contra... St-Gaudenç !

Lo comentari :
La palma reven a l'equipa de Nacionala 2 dels Catalans de Salses, qu'an fait plegar los maluroses lioneses que contunhan una colleccion bèla de desfachas. Pià resistèt plan a l'UTC e sol, un tombat de Fraissinós faguèt la diferéncia : la desfacha pianenca pòt balhar idèas a d'autras formacions per aver una chança de batre l'UTC. Carcassona coneisserà pas lo meteis sòrt que l'an passat e lo gost de la finala : tre lo primièr torn, a perdut aprèp una partida sarrada fàcia als campions de França. Las autras partidas entre formacions de l'Elita e de Nacionala 1 an logicament virat al profièch dels mai fòrts.

Los 1/4 de finala son previstes siá pel 5/6 de març, siá pels 12/13 (mas a aquela data UTC, Pià, Tolosa e St-Gaudenç devon jogar una partida de la Cup).

La dimenjada venenta :
ASC-St-Gaudenç ; Limós-Pià ; Lesinhan-Vilafranca ; Tolosa-Lion ; Vilanòva-UTC.

Sus Internet :

- Lo site novèl de l'ASC XIII

Tornar a las Rubricas ?
Tornar al somari ?
Tornar a l'index ?