Octobre de 2006

OCTOBRE : APRÈP LAS VENDÉMIAS
--Las resultas :

- Primièra jornada (dimenjada 7/8 d'octobre) :
ASCarcassona &endash; Vilafranca : 20-20 ; St-Gaudenç-Limós : 24-18 ; UTC-Lion : 64-6 ; Tolosa-Lesinhan : 34-16 ; Vilanòva-Pià : 10-28

Jogava pas : Carpentràs

- Segonda jornada (dimenjada 14/15 d'octobre)
Lion-ASC : 15-20 ; Vilafranca-St-Gaudenç : 36-46 ; Limós-Tolosa ; 22-20 ; UTC-Vilanòva : 36-24 ; Lesinhan-Carpentràs : 32-14

Jòga pas : Pià

- Tresena jornada (dimenjada 21/22 d'octobre)
ASC &endash; Vilanòva : 19-14 ; Lion-Vilafranca : 16-56 ; St-Gaudenç-Tolosa : 18-26 ; Carpentràs-Limós : 8-52 ; Pià &endash; Lesinhan : 18-20

Jogava pas : UTC

- Quatrena jornada (dimenjada 28/29 d'octobre)
Lesinhan-UTC : 16-23 ; Pià-Limós : 28-17; Carpentràs-St-Gauden : 18-31 ; Vilanòva-Lion : 54-0; Tolosa-Vilafranca : 24-24

Jogava pas : ASC

-- Lo classament : 1) St-Gaudenç, : 10 punts (4 partidas) ; 2) UTC : 9 (3) ; 3) Tolosa : 9 (4) ; 4) ASC : 8 (3) ; 5) Vilafranca, Limós, Lesinhan : 8 (4) ; 8) Pià : 7 (3) ; 9) Vilanòva : 6 (4) ; 10) Lion : 4(4) ; 11) Carpentràs : 3 (3)

-- Lo comentari
Las resultas d'octobre anóncian una competicion de bon nivèl e de partidas sarradas. Notarem :
- l'ASC jòga tres partidas sens pèrdre amai se salvèsse miracolosament sus la darrièra accion contra Vilafranca, tornèsse de luènh a Lion (menada 15-2 a la pausa) e baissèsse de ritme aprèp las 40 primièras minutas contra Vilanòva.
- Tolsa,al grand potencial sul papièr, se cèrca : desfacha a Limós, egalitat amb Vilafranca
- lo campion Pià se fa susprendre per Lesinhan mas torna remontar 17 punts contra Limós
- Vilafranca ven un concurrent de mai en mai seriós tanplan coma Lesinhan
- Limós s'apièja sus una brava nhaca (victòria contra Tolosa), mas serà sufisent ?
- Lion (aprèp un recrutament de quinzistas) e Carpentràs (amb Guigue e Zitter qu'an pas encara jogat) se trigòssan tornarmai en coa de tablèu
- St-Gaudenç sens bruch acaba primièr aquela mesada
- Vilanòva es en reconstruccion.

-- En tres passas :
- Emocion : lo còp de pè d'engatjament d'ASC-Vilafranca balhat pels pichons filhs de Robèrt Albèrt.
- Eiretatge : es lo Patona/Joan-Francés Albèrt qu'ara endavant seguís la vida de l'ASC dins las colonas de l'Indépendant.
- Memòria : lo grand Edoard Ponsinet, que foguèt de la granda virada de 51 , nos ven de quitar.
- Qun jorn ? : pas aisit de saupre qun jorn es dedicat al XIII : lo divendres, lo dissabte, lo dimenge, lo diluns, qui sap ?
- Afart : per la dimenjada venenta, se pòt faire dissabte 4 : las partidas Limós-UTC ; encadenar per ASC-FCL juniòrs (ne mancar un bocin ?), Cabardès-Albi e ASC-FCL e dimenge direccion Castras per França-Tongà.
- Projècte : avèm seguit la partida dels juniòrs ASC-Mediterranèa. Cal saludar aquel projècte d'estructuracion tretzista en Bocas de Ròse.
- Colors : coneissètz vosaus una equipa que jòga color de violetas ? Es la color novèla dels Verds e Blancs de Lesinhan. Tot se'n va…

-- De legir : Le Rugby interdit, de Mike Relance o L'histoire occultée du rugby à 13 en France editat par CANO & FRANCK a Limós , disponible contra 20 ¤ + 2,76 ¤ de mandadís.

-- Regal : las partidas de Tri-Nations sus Sport+ . Se lo paradís existís, es un tarrenc de XIII amb de Cangorós, de Quiois, de Lions que corrisson de pertot darrèr una pauma ovala e, un jorn, tornarmai de valents Occitans ?

-- Total festum : Lo XIII èra al rendètz-vos grand occitan del dissabte 21 d'octobre sus la plaça de la Comedia a Montpelhièr. Afirmacion de mai del ligam fòrt espòrt-cultura del país !

 -- Operacion comandò : menada lo divendres 13 d'octobre, amb las lecturas tretzistas " Lo rugbí es aquò que nos cal" davant un public quinzista (amb lo Franc Tournaire al primièr reng) de Salèlas d'Aude. Bona novèla : lo contaire foguèt pas detengut e ne rescapèt !

-- Mots de rugbí : de rapelar que la mòstra Mots de Rugbí s disponibla alprèp de la Bibliotèca Departamentala d'Aude e la mòstra suls dos rugbís als Arquius. Las presentacions se pòdon acompanhar de las lecturas " Lo rugbí es aquò que nos cal ! ".

-- Internet : novèl novèl site per l'ASC XIII : www.ascarcassonne13.com e totjorn lo brave forum : http://canari-club.forumactif.com/

-- Dimenjada :
Cinquena jornada :
- aqueste divendres : ) ; St-Gaudenç-Pià (20 h)
- aqueste dissabte 4 de novembre : ASC &endash; Lesinhan (20h) ; Vilafranca-Vilanòva (18h) ; Tolosa- Carpentràs (19h) ; Limós-UTC (15h)

Jòga pas : Lion

-- COPA EURO-PACIFIC : COLOMIÈRS PER L'ESPÈR

Las resultas : Anglatèrra-França : 26-10 ; Tongà-Samoà : 18-10 ; França-Samoà : 28-6 ; Anglatèrra-Tongà : 40-18

- Dimenge 5 de novembre : a Castras, a 15h45 : França-Tongà ; Anglatèrra reçaup Samoà.

Finala lo 12 de novembre a Widness.

-- Lo comentari : Pòt faire melhor...
Los Blaus mostrèron gaire d'imaginacion contra Anglatèrra que los angleses pleguèron la partida sens dominar de tròp mas amb quauquas accions decisivas que daissèron sus plaça la defensa francesa.

Contra Samoà, dins un brave e polit estadi de Colomièrs e davant mai de 5 000 espectators, los Blaus entamenèron coma cal la partida e marquèron per Fakir, mas una intercepcion del capitani Carmont balhèt l'avantage als Blaus (Samoans, que França jogava en... blanc) : 6-4. Calguèt esperar gaireben la pausa per que Borlin permetèsse de tornar als vestiaris sus una marca de 10-6.

Lo primièr quart d'ora de represa foguèt samoan, mas la defensa blanca pleguèt pas e aprèp un novèl ensag de Fakir, la formacion occitano-catalana poguèt faire crèisser la marca amb d'ensags de Gressèque (nomenant jogaire de la partida) e Zitter.

Partida que se pòt qualificar de seriosa, amb quauquas decas de man e un jòc al pè de melhorar : de segur, França jogarà una vertadièra mièja-finala contra Tongà dimenge a Castras per tornar trapar los angleses en finala mas se soetariá un pauc mai de nhac e d'inspiracion.

-- D'autras partidas internacionalas :
- dimècres 1/11, a Lesinhan (15h) : França A-BARLA
- dimècres 8/11, St-estève (19h) : França juniòr-BARLA
- dimars 14/11, Aussilhon (19h30) : França juniòr-Australian Institute Sport
- divendres 17/11, St-Gaudenç (20 h) : França juniòr-Australian Institute Sport

-- Ne saber mai :
sus Samoà : http://www.tlfq.ulaval.ca/axl/pacifique/samoa.htm
sul reialme de Tongà : www.tlfq.ulaval.ca/axl/pacifique/tonga.htm

-- A l'escota : retrasmission en dirècte de la partida França-Tongà, comentada en occitan pel parelh Alan-Patona, sus Ràdio Lenga d'Òc : www.radiolengadoc.com


Tornar a las Rubricas ?
Tornar al somari ?
Tornar a l'index ?